കോട്ടയം ഉഴവൂരിൽ വിദ്യാർത്ഥികളുടെ കൂട്ടത്തല്ല് ; സംഘർഷം തടയാനെത്തിയ എസ്.ഐക്ക് ഗുണ്ടാസംഘത്തിന്റെ അക്രമത്തിൽ പരുക്ക്

കോട്ടയം : ഉഴവൂരില്‍ സ്‌കൂള്‍ വിദ്യാര്‍ത്ഥികള്‍ ചേരിതിരിഞ്ഞ് സംഘര്‍ഷം. വിദ്യാര്‍ത്ഥികള്‍ തമ്മിലുള്ള വാക്കുതര്‍ക്കമാണ് സംഘര്‍ഷത്തില്‍ കലാശിച്ചത്.തുടര്‍ന്ന് വിദ്യാര്‍ത്ഥികളില്‍ ഒരു വിഭാഗം പാലായില്‍ നിന്നുള്ള അക്രമിസംഘത്തിന്റെ സഹായം തേടി.

തുടര്‍ന്ന് ഈ സംഘം സ്ഥലത്തെത്തി വിദ്യാര്‍ത്ഥികളെ മര്‍ദ്ദിച്ചു. മര്‍ദ്ദനമേറ്റ വിദ്യാര്‍ത്ഥികള്‍ നാട്ടുകാരുടെ സഹായം തേടി. സംഭവത്തില്‍ നാട്ടുകാരും ഇടപെട്ടതോടെ പ്രദേശത്ത് കൂട്ടത്തല്ലുണ്ടായെന്നാണ് റിപ്പോര്‍ട്ട്.

പിന്നീട് സംഭവസ്ഥലത്തെത്തിയ പൊലീസ് സംഘത്തെയും അക്രമിസംഘം മര്‍ദ്ദിച്ചു. അക്രമണത്തില്‍ എസ്‌ഐക്ക് പരിക്കേറ്റു. സംഭവത്തില്‍ പാലാ സ്വദേശി അനന്തുവിനെ പൊലീസ് കസ്റ്റഡിയിലെടുത്തു.