കോട്ടയം സി.എംഎസ് കോളേജിൽ വിദ്യാർതഥി സംഘർഷം:രണ്ട് എസ്.എഫ്.ഐ പ്രവർത്തകർക്ക് മർദനമേറ്റു: ആക്രമിച്ചത് കെ.എസ് .യു പ്രവർത്തകരെന്ന് എസ്.എഫ്.ഐ.

കോട്ടയം: സി.എംഎസ് കോളേജിൽ വിദ്യാർതഥി സംഘർഷം. എസ്എഫ്ഐ – കെ എസ് യു പ്രവർത്തകർ തമ്മിലുണ്ടായ സംഘർഷത്തിൽ രണ്ട് എസ്.എഫ്.ഐ പ്രവർത്തകർക്ക് മർദനമേറ്റു

എസ്.എഫ്.ഐ യൂണിറ്റ് പ്രസിഡന്റ് അബിൻ, അഫ്സൽ എന്നിവർക്കാണ് മർദനമേറ്റത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയോടെയാണ് കോളേജിനു മുന്നിൽ സംഘർഷമുണ്ടായത്.

കെ.എസ്.യു പ്രവർത്തകർ തങ്ങളെ ആക്രമിച്ചെന്നാണ് എസ് എഫ് ഐ പ്രവർത്തകരുടെ പരാതി. വാക്ക് തർക്കത്തിന്റെ തുടർച്ചയായി എത്തിയ കെ.എസ്.യു പ്രവർത്തകർ അകാരണമായി ആക്രമിക്കുകയായിരുന്നുവെന്ന് എസ്.എഫ്.ഐ പ്രവർത്തകർ ആരോപിക്കുന്നു.

പരിക്കേറ്റവരെ നേതാക്കൾ എത്തിയാണ് ആശുപത്രിയിൽ എത്തിച്ചത്. സംഭവം അറിഞ്ഞ് കോട്ടയം വെസ്റ്റ് പൊലീസ് സംഘം സ്ഥലത്ത് എത്തിയിട്ടുണ്ട്.ഇതുവരെ കേസെടുത്തിട്ടില്ല.