പകൽ ചൂട് കൂടും; തെക്കൻ കേരളത്തിൽ ഒറ്റപ്പെട്ട മഴ സാധ്യത

സ്വന്തം ലേഖകൻ

തിരുവനന്തപുരം: കേരളത്തിൽ ഇന്നും പകൽ ചൂട് വർദ്ധിക്കും. പലയിടങ്ങളിലും 36°c മുതൽ 37 °c വരെ താപനില പ്രതീക്ഷിക്കാം. പുനലൂർ, കോട്ടയം, കണ്ണൂർ എന്നിവിടങ്ങളിൽ താപനില 37°c മുകളിൽ പോകാൻ സാധ്യത.

കേരളത്തിൽ ഇന്ന് ചിലയിടങ്ങളിൽ നേരിയ തോതിൽ മഴ സാധ്യത.

തെക്കൻ കേരളത്തിലെ ചില പ്രദേശങ്ങളിൽ ചാറ്റൽ മഴയോ ഇടത്തരം മഴയോ ലഭിക്കാൻ സാധ്യത. ഉച്ചയ്ക്ക് ശേഷവും വൈകിട്ടും രാത്രിയുമാണ് മഴ സാധ്യത.

ഇടുക്കി, പത്തനംതിട്ട, തിരുവനന്തപുരം, കൊല്ലം ജില്ലകളുടെ കിഴക്കൻ മേഖലകളിലാണ് മഴ സാധ്യത.
ഇന്ന് കോട്ടയം ജില്ലയിലെ ഒട്ടോമാറ്റിക് വെതർ സ്റ്റേഷനുകളിൽ പ്രഭാതത്തിൽ രേഖപ്പെട്ടുത്തിയ കുറഞ്ഞ താപനില.

കോട്ടയം : 21.9°c
വടവാതൂർ : ലഭ്യമല്ല
കുമരകം : 24.7°c
പൂഞ്ഞാർ : 23.6°c
വൈക്കം : 23.5°c