കോട്ടയം ടിബി റോഡില്‍ മന്ത്രി റോഷി അഗസ്റ്റിന് എസ്‌കോര്‍ട്ട് പോയ പൊലീസ് വാഹനത്തിൻ്റെ ഹോണടി കേട്ട് വെട്ടിച്ച് മാറ്റിയ ഓട്ടോറിക്ഷ മറിഞ്ഞ് ഡ്രൈവര്‍ക്ക് പരിക്ക്; പരിക്കേറ്റത് കാരാപ്പുഴ സ്വദേശിയായ ഓട്ടോ ഡ്രൈവര്‍ക്ക്
സ്വന്തം ലേഖകൻ
കോട്ടയം: മന്ത്രി റോഷി അഗസ്റ്റിൻ്റെ എസ്‌കോര്‍ട്ട് വാഹനത്തിൻ്റെ ഹോണടി കേട്ട് വെട്ടിച്ച് മാറ്റിയ ഓട്ടോറിക്ഷ മറിഞ്ഞ് ഓട്ടോ ഡ്രൈവര്‍ക്ക് പരിക്ക്.
കാരാപ്പുഴ ഇല്ലത്തുചിറയില്‍ അശോകന്‍ (34)നാണ് പരിക്കേറ്റത്. ഇായളുടെ പരിക്ക് ഗുരുതരമല്ല. ഇയാളെ ജില്ലാ ജനറല്‍ ആശുപത്രിയില്‍ പ്രവേശിപ്പിച്ചു.
Whatsapp Group 1 | Whatsapp Group 2 |Telegram Group
തിങ്കളാഴ്ച വൈകിട്ട് ഏഴ് മണിയോടെയാണ് അപകടം. ടിബി റോഡില്‍ കല്യാണ്‍ സില്‍ക്‌സിന് സമീപം കെഎസ്ആര്‍ടിസി ഭാഗത്ത് നിന്നും ടിബി റോഡ് ഭാഗത്തേക്ക് വരികയായിരുന്നു അശോകന്‍ ഓടിച്ചിരുന്ന ഓട്ടോറിക്ഷ.
ഇതേ ഭാഗത്തേക്ക് വരികയായിരുന്ന മന്ത്രി റോഷി അഗസ്റ്റിൻ്റെ വാഹനത്തിന് എസ്‌കോര്‍ട്ട് വന്ന കോട്ടയം വെസ്റ്റ് പൊലീസ് സ്റ്റേഷനിലെ ജീപ്പിൻ്റെ ഹോണടി കേട്ട് അശോകന്‍ ഓട്ടോ വെട്ടിച്ച് മാറ്റിയതിനെത്തുടര്‍ന്ന് റോഡരികിലെ സ്ലാബില്‍ കയറി നിയന്ത്രണം നഷ്ടമായ ഓട്ടോറിക്ഷ റോഡിലേക്ക് തന്നെ മറിയുകയായിരുന്നു.
പൊലീസ് വാഹനത്തിലുണ്ടായിരുന്ന ഉദ്യേഗസ്ഥര്‍ തന്നെയാണ് അശോകനെ ജില്ലാ ജനറല്‍ ആശുപത്രിയില്‍ പ്രവേശിപ്പിച്ചത്.
അപകടത്തെ തുടര്‍ന്ന് 10 മിനിറ്റോളം ടിബി റോഡില്‍ ഗതാഗതം തടസ്സപ്പെട്ടു. വൈദ്യപരിശോധനയില്‍ ഇയാള്‍ മദ്യലഹരിലായിരുന്നുവെന്ന് വ്യക്തമായതായി പൊലീസ് പറഞ്ഞു.
