കോട്ടയം നാഗമ്പടം എസ് എച്ച് മൗണ്ടിലെ ഒൻപത് കടകളിൽ ഇന്നലെ രാത്രി കള്ളൻ കയറി; സിസിടിവി ദൃശ്യങ്ങൾ ഇവിടെ കാണാം

സ്വന്തം ലേഖകൻ

കോട്ടയം: കോട്ടയം നാഗമ്പടം എസ് എച്ച് മൗണ്ടിലെ ഇലക്ട്രിക്ക് കടയിലും ബാറ്ററിക്കടയിലും അടക്കം ഒൻപത് കടകളിൽ ഇന്നലെ രാത്രി കള്ളൻ കയറി. മോഷണദൃശ്യങ്ങളുടെ സിസിടിവി ദൃശ്യങ്ങൾ തേർഡ് ഐ ന്യൂസിന് ലഭിച്ചു.

ഇന്ന് രാവിലെ കടയുടമകൾ കട തുറക്കാൻ എത്തിയപ്പോഴാണ് മോഷണ വിവരം അറിഞ്ഞത്. തുടർന്ന്, ഇവർ വിവരം പൊലീസിൽ അറിയിക്കുകയായിരുന്നു. ഗാന്ധിനഗർ പൊലീസ് സ്ഥലത്ത് എത്തിയിട്ടുണ്ട്. സംഭവത്തിൽ പൊലീസ് അന്വേഷണം ആരംഭിച്ചു.

പല കടകളുടെയും ഷട്ടറുകൾ തകർത്ത് അകത്ത് കയറിയ മോഷ്ടാക്കൾ പണവും സാധനങ്ങളും അപഹരിക്കുകയായിരുന്നു.

കോട്ടയം കുമാരനെല്ലൂരിൽ കഴിഞ്ഞ ദിവസങ്ങളിൽ ഇത്തരത്തിൽ ഒന്നിലധികം വീടുകളിൽ വ്യാപകമായ മോഷണം ശ്രമം നടന്നിരുന്നു . അതിനു പിന്നിലും എസ് എച്ച് മൗണ്ടിലെ മോഷണത്തിനു പിന്നിലും ഒരേ സംഘം തന്നെയാണോയെന്നും അന്വേഷണം നടക്കുന്നുണ്ട്.