കോട്ടയം സംക്രാന്തിയില്‍ നിയന്ത്രണം വിട്ട കാര്‍ കടയിലേക്ക് ഇടിച്ചു കയറി; നാല് പേര്‍ക്ക് പരിക്ക്; ഒരാളുടെ നില ഗുരുതരം; അപകടത്തില്‍പ്പെട്ടത് പാലാ സ്വദേശിയുടെ കാർ

സ്വന്തം ലേഖിക

കോട്ടയം: സംക്രാന്തിയില്‍ നിയന്ത്രണം വിട്ട കാര്‍ കടയിലേക്ക് ഇടിച്ചു കയറി നാലു പേര്‍ക്ക് പരിക്ക്.

ഇന്ന് വൈകീട്ട് നാലുമണിയോടു കൂടിയായിരുന്നു അപകടം. ഷോറൂമില്‍ നിന്ന് കാര്‍ വാങ്ങി മടങ്ങുന്നതിനിടെയായിരുന്നു അപകടം.

പാലാ സ്വദേശി ഓടിച്ച കാറാണ് അപകടത്തില്‍പ്പെട്ടത്. സംക്രാന്തി – പേരൂര്‍ റൂട്ടിലുള്ള കടയിലേക്ക് കാര്‍ ഇടിച്ചു കയറുകയായിരുന്നു.

കടയുടെ മുന്നില്‍ ഉണ്ടായിരുന്ന ആള്‍ക്കും വഴിയാത്രക്കാരനായ ഷണ്‍മുഖ എന്നയാള്‍ക്കും ഒരു സ്ത്രീയ്ക്കും പരിക്കേറ്റു.
കാറില്‍ ഉണ്ടായിരുന്ന യുവതിക്കും പരിക്കേറ്റിട്ടുണ്ട്.

ഷണ്‍മുഖന്റെ പരിക്ക് ഗുരുതരമാണ്. അദ്ദേഹത്തെ കോട്ടയം മെഡിക്കല്‍ കോളേജിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു.
പരിക്കേറ്റവരെ ആശുപത്രിയില്‍ എത്തിച്ച്‌ ചികിത്സ നല്‍കി.