പലിശരഹിത വായ്പ എടുത്തുനൽകാമെന്ന് പറഞ്ഞ് തട്ടിപ്പ്; ടെക്നോപാർക്കിൽ നിന്നും 4 കോടി 10 ലക്ഷം രൂപാ തട്ടിയെടുത്ത കേസിൽ യുവതി അറസ്റ്റിൽ; പിടിയിലായത് കോട്ടയം സ്വദേശിനിയായ മുപ്പത്തിരണ്ടുകാരി

സ്വന്തം ലേഖകൻ

തിരുവനന്തപുരം: ടെക്നോപാർക്കിൽ നിന്നും 4 കോടി 10 ലക്ഷം രൂപാ പലിശരഹിത വായ്പ എടുത്തു നൽകാമെന്ന് പറഞ്ഞ് പണം തട്ടിയ കേസിൽ കോട്ടയം സ്വദേശിയായ യുവതി അറസ്റ്റിൽ.

കോട്ടയം മൈലാടി നെടുംകുന്നം കരോടി പാച്ചുവാടയ്ക്കൽ പ്രമീളയെ(32) ആണ് പുന്നപ്ര പോലീസ് അറസ്റ്റ് ചെയ്തത്.

പുന്നപ്ര സ്വദേശിയുടെ പരാതിയിലാണ് അറസ്റ്റ്. സാലറി സർട്ടിഫിക്കറ്റ് വെച്ച് വായ്പ എടുത്ത് തരാമെന്ന് വിശ്വസിപ്പിച്ച് പലതവണയായി 5,57,600 രൂപ തട്ടിയെടുക്കുകയും വ്യാജ ചെക്ക് ലീഫ് വാട്സ് ആപ് ഗ്രൂപ്പിലൂടെ ഇട്ടുനൽകുകയും ചെയ്തെന്നാണ് പരാതി.

എസ് എച്ച് ഒ ലൈസാദ് മുഹമ്മദിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാന്റ് ചെയ്തു.