കോട്ടയം കുഴിമറ്റത്ത് ടോറസ് ലോറി ബൈക്കിലിടിച്ച് അപകടം; മകനൊപ്പം യാത്ര ചെയ്ത വീട്ടമ്മയ്ക്ക് ദാരുണാന്ത്യം; അപകടത്തിൽ റോഡിലേക്ക് വീണ സ്ത്രീയുടെ തലയിലൂടെ ലോറി കയറിയിറങ്ങി

സ്വന്തം ലേഖകൻ

കോട്ടയം: വെള്ളൂത്തുരുത്തി പള്ളിക്കു സമീപം ടോറസ് ലോറി ബൈക്കിലിടിച്ച് അപകടം. മകനൊപ്പം ബൈക്കിൽ യാത്ര ചെയ്ത വീട്ടമ്മ റോഡിലേക്ക് തെറിച്ചുവീണു. സ്ത്രീയുടെ തലയിലൂടെ ലോറി കയറിയിറങ്ങി ദാരുണാന്ത്യം .

കുഴിമറ്റം കാവാട്ട് ഹൗസിൽ അശ്വതി (55) ആണ് മരിച്ചത്. ബൈക്ക് ഓടിച്ചിരുന്ന വിഷ്ണു രാജുവിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.

പരുത്തുംപാറ റൂട്ടിൽ വെള്ളുത്തുരുത്തി പള്ളിയ്ക്കു സമീപമായിരുന്നു അപകടം. ഞാലിയാകുഴിയിൽ നിന്നും പരുത്തുംപാറ ഭാഗത്തേയ്ക്കു വരികയായിരുന്നു ടോറസ് ലോറി. എതിർ ദിശയിൽ വരികയായിരുന്നു ബൈക്ക് . വിഷ്ണു രാജുവാണ് ബൈക്ക് ഓടിച്ചിരുന്നത്. അശ്വതിയുടെ മൃതദേഹം ജില്ലാ ജനറൽ ആശുപത്രി മോർച്ചറിയിൽ.