കോട്ടയം കോടിമത പാലത്തിന് സമീപം സുഹൃത്തുക്കളുമായി സംസാരിച്ചിരുന്ന യുവാവ് അപ്രതീക്ഷിതമായി ആറ്റിലേക്ക് ചാടി; അഗ്നിരക്ഷാ സേനയെത്തി രക്ഷപ്പെടുത്തി; ജില്ലാ ആശുപത്രിയിലെത്തിച്ച യുവാവ് അപകടനില തരണം ചെയ്തു

സ്വന്തം ലേഖകൻ

കോട്ടയം : കോട്ടയം കോടിമത പാലത്തിന് സമീപം സുഹൃത്തുക്കളുമായി സംസാരിച്ചിരുന്ന യുവാവ് അപ്രതീക്ഷിതമായി ആറ്റിലേക്ക് ചാടി.

എരമല്ലൂർ സ്വദേശി സജു (36) വാണ് കോടിമത പാലത്തിൽ നിന്നും വൈകിട്ട് ആറരയോടെ ആറ്റിലേയ്ക്കു ചാടിയത്. ആറ്റിൽ യുവാവ് മുങ്ങിത്താഴുന്നത് കണ്ട് ഓടിക്കൂടിയ നാട്ടുകാർ അഗ്നിരക്ഷാ സേനയെ വിവരം അറിയിച്ചു.

അഗ്നിരക്ഷാ സേന സ്ഥലത്ത് എത്തിയപ്പോൾ ആറ്റിൽ മുങ്ങിത്താഴുന്ന യുവാവിനെയായിരുന്നു കണ്ടത്. ഉടൻ തന്നെ അഗ്നിരക്ഷാ സേനാ യൂണിറ്റം​ഗങ്ങൾ വെള്ളത്തിലേയ്ക്കിറങ്ങുകയായിരുന്നു. തുടർന്ന്, യുവാവിനെ രക്ഷിച്ച് കരയ്‌ക്കെത്തിച്ചു.

ആംബുലൻസിൽ ആശുപത്രിയിലേയ്ക്കു കൊണ്ടു പോകുന്നതിനിടെ പ്രാഥമികശുശ്രൂക്ഷകൾ നല്കി. യുവാവ് അപകട നില തരണം ചെയ്തു.