കോട്ടയം ഈരയിൽക്കടവിൽ നടുറോഡിൽ കക്കൂസ് മാലിന്യം തള്ളി; ടാങ്കർ ലോറിയിലെത്തിയ സംഘത്തെ തടഞ്ഞ് നാട്ടുകാർ

കോട്ടയം : ഈരയിൽക്കടവ് റോഡിൽ മുപ്പായിപ്പാടത്ത് നടുറോഡിൽ കക്കൂസ് മാലിന്യം തള്ളി. ടാങ്കർ ലോറിയിൽ എത്തിയ സംഘത്തെ തടഞ്ഞ് പ്രതിഷേധിച്ച് നാട്ടുകാർ.

ടാങ്കർ ലോറി ടാപ്പ് തുറന്ന് വച്ച് നടുറോഡിലൂടെ മുന്നോട്ട് നീങ്ങി. പ്രതിക്ഷേധവുമായി നാട്ടുകാർ ലോറി തടഞ്ഞു.

നടുറോഡിൽ മാലിന്യം നിക്ഷേപിക്കുന്നത് ഇവിടെ നിത്യയസംഭവമാണ്. നാട്ടുകാർനിരവധി തവണ പരാതിപ്പെട്ടെങ്കിലും നടപടിയുണ്ടായിട്ടില്ലായെന്നും ആരോപണമുണ്ട്.

പ്രദേശത്തു കൂടി നടക്കാനാവാത്ത അതിരൂക്ഷമായ ദുർഗന്ധമാണ്. ഈരയിൽക്കടവ് റോഡിൽ രാത്രിയിൽ വെളിച്ചമില്ലാത്തതാണ് ഈ സാമൂഹ്യ വിരുദ്ധ സംഘങ്ങൾക്കു തണലാകുന്നത്. രാത്രിയുടെ മറവിലെത്തുന്ന ആളുകളാണ് ഇവിടെ റോഡരികിൽ മാലിന്യം തള്ളുന്നത്.