കോട്ടയം നഗരമധ്യത്തിൽ ടിബി റോഡിൽ വാഹനാപകടം; ബുള്ളറ്റും കാറും കൂട്ടിയിടിച്ച് ബുള്ളറ്റ് യാത്രക്കാരനായ യുവാവിന് പരിക്ക്

സ്വന്തം ലേഖകൻ

കോട്ടയം:കോട്ടയം നഗരമധ്യത്തിൽ ടിബി റോഡിൽ വാഹനാപകടം . ബുള്ളറ്റും കാറും കൂട്ടിയിടിച്ച് യുവാവിന് പരിക്ക്. ഇയാളെ കോട്ടയം ജനറൽ ആശുപത്രിയിൽ പ്രവേശിപ്പിച്ചു.

ബുധനാഴ്ച ഉച്ചയ്ക്കായിരുന്നു അപകടം. കോട്ടയം ഭാഗത്തു നിന്നും കോടിമത ഭാഗത്തേയ്ക്കു വരികയായിരുന്നു കാർ എതിർ ദിശയിൽ വന്ന ബുള്ളറ്റുമായി കൂട്ടിയിടിക്കുകയായിരുന്നു.

ഇടിയുടെ ആഘാതത്തിൽ ബുള്ളറ്റ് റോഡരികിലേയ്ക്കു മറിഞ്ഞു. ബുള്ളറ്റ് യാത്രക്കാരനായ യുവാവിന് മുഖത്തും കാലിലും സാരമായി പരിക്കേറ്റു.

ഇയാളെ ഉടൻ തന്നെ നാട്ടുകാർ ചേർന്ന് ആശുപത്രിയിൽ എത്തിക്കുകയായിരുന്നു.