ദുരിത കാലത്ത് സഹപ്രവർത്തകർക്ക് സഹായവുമായി മൊബൈൽ വ്യാപാരി അസോസിയേഷൻ: നഗരത്തിലെ വ്യാപാരികൾക്ക് ഉത്പന്നക്കിറ്റുകൾ വിതരണം ചെയ്തു

സ്വന്തം ലേഖകൻ

കോട്ടയം: കൊറോണക്കാലത്ത് വ്യാപാരികൾക്കു ദുരിതാശ്വാസ സഹായവുമായി മൊബൈൽ വ്യാപാരി അസോസിയേഷൻ. മൊബൈൽ & റീചാർജിങ് റീട്ടെയ്ലേഴ്സ് അസ്സോസ്സിയേഷൻ ജില്ലാ കമ്മിറ്റിയുടെ നേതൃത്വത്തിൽ (എം.ആർ.ആർ.എ) വ്യാപാരികൾക്കു സൗജന്യ കിറ്റുകളാണ് വിതരണം ചെയ്തത്.

ലോക്ഡൗണിൽ വ്യാപാരസ്ഥാപനം തുറക്കാനാവാതെ വിഷമിക്കുന്ന മൊബൈൽ &റീചാർജിങ് വ്യാപാരികൾക്ക് സമാശ്വാസമായാണ് അസോസിയേഷൻ രംഗത്ത് എത്തിയത്. പകർന്നുനൽകുന്നതിനോടൊപ്പം ഒരു ഉല്പന്നകിറ്റും നൽകിയാണ് മൊബൈൽ വ്യാപാരസംഘടന മാതൃക ആയത്.

കേരളത്തിലെ എല്ലാ മൊബൈൽ വ്യാപാരി കൾക്കും സഹായം എത്തിക്കുവാനുള്ള ശ്രമത്തിനാണ് ഇന്ന് കോട്ടയത്ത് തുടക്കം കുറിച്ചത്. പ്രവർത്തനങ്ങൾക്ക് സംസ്ഥാന പ്രസിഡന്റ് കോട്ടയം ബിജു, സംസ്ഥാന നേതാക്കളായ സനറ്റ് പി മാത്യു നൗഷാദ് പനച്ചിമൂട്ടിൽ , ബേബി കുടയംപടി, ബിജു മാത്യു , അനീഷ് ആപ്പിൾ, ജസ്റ്റിൻ നടരാജൻ, വരദരാജൻ , ബാലാജി ഷിൻഡേ അജയൻ എന്നിവർ നേതൃത്വം നൽകി