പാലായിൽ ബന്ധുവീട്ടിലെത്തിയ വിദേശമലയാളിക്ക് കുറുക്കന്‍റെ കടിയേറ്റു

സ്വന്തം ലേഖകൻ

പാലാ: ബന്ധുവീട്ടിലെത്തിയ വിദേശമലയാളിക്ക് കുറുക്കന്‍റെ കടിയേറ്റു. കാല്‍വിരല്‍ മുറിഞ്ഞു. പരിക്കേറ്റ കൊച്ചി സ്വദേശി ശ്രീകുമാര്‍ പിള്ളയെ (66) ചേര്‍പ്പുങ്കല്‍ മാര്‍ സ്ലീവാ മെഡിസിറ്റിയില്‍ പ്രവേശിപ്പിച്ചു.

വാഴൂര്‍ ശാസ്താംകാവ് കൃഷ്ണപുരം വെയിറ്റിംഗ് ഷെഡിന് സമീപ പുരയിടത്തിലായിരുന്നു സംഭവം.

ശ്രീകുമാര്‍പിള്ള വാഴൂരിലെ ബന്ധുവീട്ടില്‍ എത്തിയതായിരുന്നു. ചുറ്റുപാട് കാണുന്നതിനായി പുരയിടത്തിലൂടെ നടക്കുന്നതിനിടെയാണ് കുറുക്കന്‍റെ കടിയേറ്റത്. .

കുറുക്കന്‍ ആക്രമിച്ചത് യാതൊരു പ്രകോപനവുമില്ലാതെ.