കൊച്ചി: കൊച്ചി മെട്രോയില് യാത്ര ചെയ്യാൻ ഇനി ടിക്കറ്റ് എടുക്കാൻ ക്യൂ നിന്ന് ആരും തന്നെ വിഷമിക്കേണ്ട.
നേരത്തെ വാട്സാപ്പിലൂടെ ടിക്കറ്റ് എടുക്കുന്നതിനുള്ള സംവിധാനം കൊച്ചി മെട്രോ ഏർപ്പെടുത്തിയിരുന്നു.
ഇതിനുപിന്നാലെ ഇപ്പോഴിതാ ഈ സേവനം 5 ആപ്പുകളില് ആണ് ലഭ്യമാകുന്നത്.
മെട്രോ യാത്രക്കാരുടെ എണ്ണം കൂടുന്ന സാഹചര്യത്തില് ടിക്കറ്റ് കൗണ്ടറുകളിലെ തിരക്ക് കുറയ്ക്കാനാണ് ഓണ്ലൈൻ സംവിധാനം ഏർപ്പെടുത്തുന്നത്.
പേടിഎം, ഫോണ്പേ, നമ്മ യാത്രി, റെഡ് ബസ്, റാപ്പിഡോ എന്നീ ആപ്പുകളിലൂടെ ടിക്കറ്റെടുക്കാം.
Whatsapp Group 1 | Whatsapp Group 2 |Telegram Group
ഓപ്പണ് നെറ്റ്വർക്ക് ഫോർ ഡിജിറ്റല് കൊമേഴ്സുമായി (ഒഎൻഡിസി) ചേർന്നാണ് ഈ സൗകര്യമൊരിക്കിയത്. ഊബർ വഴിയും ഈസ് മൈ ട്രിപ്പ് വഴിയും മെട്രോ ടിക്കറ്റ് എടുക്കാനുള്ള സംവിധാനം വൈകാതെയുണ്ടാകും.
ഓണ്ലൈനായി എടുക്കുന്ന ടിക്കറ്റുകളുടെ പ്രിന്റ് ഔട്ട് ആവശ്യമില്ല. മെട്രോ സ്റ്റേഷനിലെ എൻട്രൻസില് സ്കാൻ ചെയ്ത് അകത്തും പുറത്തും പ്രവേശിക്കാം.
നേരത്തെ ചെന്നൈ മെട്രോ ഒഎൻഡിസിയുമായി ചേർന്ന് ഇത്തരത്തില് ആപ്പിലൂടെ ടിക്കറ്റ് എടുക്കാൻ സംവിധാനം ഒരുക്കിയിരുന്നു. ഒരു യാത്രയ്ക്കുള്ള ടിക്കറ്റോ മടക്ക യാത്രയും കൂടിയോ ഇത്തരത്തില് ഓണ്ലൈനായി എടുക്കാം. ഓണ്ലൈൻ ടിക്കറ്റിന് ബുക്കിങ് ചാർജ് ഈടാക്കില്ലെന്നും മെട്രോ അറിയിച്ചു.
