വയനാടിന് സഹായഹസ്തവുമായി കിളിരൂർ എസ്.എൻ ഡി.പി.എച്ച് എസ്സ്. എസ്സ്: 4-ാം ക്ലാസ് വിദ്യാർത്ഥി സൈക്കിൾ വാങ്ങാൻ കുടുക്കയിൽ സൂക്ഷിച്ച 2000 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി.

സ്വന്തം ലേഖകൻ
കിളിരൂർ: ദുരന്തം വിതച്ച വയനാട്ടിലെ സഹോദരങ്ങൾക്ക് കൈത്താങ്ങായി കിളിരൂർ എസ്.എൻ ഡി.പി എച്ച്. എസ്സ് എസ്സ് ലെ വിദ്യാർത്ഥികളും അദ്ധ്യാപകരും അനധ്യാപകരും.

സ്കൂളിലെ റെഡ് ക്രോസ് യൂണിറ്റിൻ്റെ നേതൃത്വത്തിൽ സമാഹരിച്ച അവിശ്യവസ്തുക്കളും വസ്ത്രങ്ങളും, ഭക്ഷണസാധനങ്ങളും കോട്ടയം റെഡ് ക്രോസ് സൊസൈറ്റിക്ക് കൈമാറി.

സ്കൂളിലെ നാലാം ക്ലാസ്സ് വിദ്യാർത്ഥിയായ ശ്രേയസ്സ് വി.എസ്സ് സൈക്കിൾ വാങ്ങാനായി കുടുക്കയിലിട്ട് സ്വരൂപിച്ച രണ്ടായിരം രൂപ മുഖ്യമന്ത്രിയുടെ ദുരിതാശ്വാസ നിധിയിലേയ്ക്ക് നൽകാൻ വാർഡ് മെമ്പർ സുമേഷ് കാത്തിരത്തിനെ ഏൽപ്പിച്ചു.

നന്മനിറഞ്ഞ ഈ പ്രവർത്തിയിലൂടെ ശ്രേയസ്സ് വീടിനും വിദ്യാലയത്തിനും അഭിമാനമായി മാറി.