താൻ പോടോ,താനാരടാ: തൃശൂർ സ്വരാജ് റൗണ്ടിൽ വാഹനങ്ങൾ തടഞ്ഞു സമരക്കാർ ; ബൈക്ക് യാത്രക്കാരനു നേരെ കയ്യേറ്റവും ഉന്തും തള്ളും

സ്വന്തം ലേഖിക

തൃശൂർ∙ പണിമുടക്കിയ തൊഴിലാളികൾ തൃശൂർ സ്വരാജ് റൗണ്ടിൽ വാഹനങ്ങൾ തടഞ്ഞതു തർക്കത്തിനിടയാക്കി. ബൈക്ക് യാത്രക്കാരനു നേരെ കയ്യേറ്റ ശ്രമമുണ്ടായി. താൻ പോടോ.. താൻ ആരാടാ ഇവിടത്തെ.

. എന്നു ബൈക്ക് യാത്രികൻ ചോദിച്ചതോടെ തൊഴിലാളികളിൽ ചിലർ ഇയാളെ കയ്യേറ്റം ചെയ്യുകയും പിടിച്ചു തള്ളുകയും ചെയ്തു.

മുതിർന്ന നേതാക്കൾ ഇടപ്പെട്ടാണു തൊഴിലാളികളെ ശാന്തരാക്കിയത്. ബൈക്ക് യാത്രക്കാരൻ ആശുപത്രിയിലേയ്ക്കു പോകുകയാണെന്നു പറഞ്ഞെങ്കിലും കടത്തിവിട്ടില്ല.

ബൈക്ക് യാത്രക്കാരനെ പൊലീസ് ഇടപ്പെട്ടു മടക്കി വിട്ടു. സ്വകാര്യ വാഹനങ്ങൾ തടഞ്ഞു തുടങ്ങിയതോടെ വണ്ടികൾ പൊലീസ് വഴിതിരിച്ചു വിട്ടു.