കാരുണ്യ ലോട്ടറിയുടെ ഒന്നാംസമ്മാനം 80 ലക്ഷം ചിറക്കടവ് സ്വദേശിനിക്ക്.. ജയശ്രീയാണ് ലക്ഷാധിപതി

സ്വന്തം ലേഖകൻ
പൊൻകുന്നം: ഭാഗ്യദേവത ഇപ്പോൾ പൊൻകുന്നം പ്രദേശത്ത് കറങ്ങുകയാണ്. രണ്ട് ആഴ്ചക്കുള്ളിൽ കാരുണ്യ ലോട്ടറിയുടെ രണ്ട് ഒന്നാം സമ്മാനങ്ങൾ ആണ് പൊൻകുന്നത്ത് ലഭിച്ചത്.കഴിഞ്ഞ

മാസം 16-ന് നറുക്കെടുത്ത കാരുണ്യ ലോട്ടറിയുടെ ഒന്നാംസമ്മാനം ഇളങ്ങുളം രണ്ടാംമൈൽ പുത്തൻകുളം ഗോപകുമാറിനായിരുന്നു. ആ ആഹ്ലാദം തീരും മുൻപ്, വീണ്ടും ഒരു ഒന്നാം സമ്മാനം കൂടി.

ശനിയാഴ്ച നറുക്കെടുത്ത കെ.ആർ.634 നമ്പർ കാരുണ്യ ലോട്ടറിയിൽ ഒന്നാംസമ്മാനം പൊൻകുന്നത്ത് വിറ്റ ടിക്കറ്റിന് ലഭിച്ചു. ചിറക്കടവ് സെന്റർ കളമ്പുകാട്ടുകവല പരിയാരത്ത് ജയശ്രീ(48)യാണ് ഭാഗ്യവതി.

കെ.ബി.686743 നമ്പർ ടിക്കറ്റിനാണ് ഒന്നാംസമ്മാനം. ചിറക്കടവ് എസ്.ആർ.വി.കവലയ്ക്ക് സമീപം ശകുന്തൾ സ്റ്റോഴ്‌സിൽ സഹായിയായി നിൽക്കുകയാണ് ജയശ്രീ. കടയുടമ പരിയാരത്ത് പുരുഷോത്തമൻ നായരുടെ ജ്യേഷ്ഠൻ പരേതനായ വിശ്വനാഥൻ നായരുടെ മകളാണ് ജയശ്രീ.