കാഞ്ഞിരപ്പള്ളിയിൽ നിന്നും ഇരുചക്രവാഹനം മോഷണം പോയി

കാഞ്ഞിരപ്പള്ളി കുരിശും കവല ഭാ​ഗത്തുള്ള മോർ എന്ന സ്ഥാപനത്തിലെ ജീവനക്കാരന്റെ KL-O5/ AX-2907 യമഹ Ray-21 എന്ന സ്കൂട്ടർ മോഷണം പോയിരിക്കുന്നു. ഇളംമ്പള്ളി സ്വദേശി വിഷ്ണുവിന്റെ വാഹനമാണ് വ്യാഴാഴ്ച രാത്രിയോടെ മോഷണം പോയത്.

കാഞ്ഞിരപ്പള്ളി മോർ സൂപ്പർ മാർക്കറ്റിന്റെ പാർക്കിംഗിൽ നിന്നും രാത്രി 7.30നും 10.50നും ഇടയിലാണ് വാഹനം മോഷണം പോയത്.
ഭക്ഷണം കഴിച്ചുവന്ന് വാഹനം പാർക്കു ചെയ്ത് ജീവനക്കാർ ജോലിയിൽ പ്രവേശിച്ച ശേഷമാണ് മോഷണം നടന്നത്.

കാഞ്ഞിരപ്പള്ളി പോലീസിൽ പരാതി നല്കി. വാഹനത്തെക്കുറിച്ച് എന്തെങ്കിലും വിവരം ലഭിച്ചാൽ കാഞ്ഞിരപ്പള്ളി പോലീസ് സ്റ്റേഷനിൽ അറിയിക്കുക.

ബന്ധപ്പെടേണ്ട നമ്പർ: 0482-8222222, 8075315097, 8547817423