പുതിയ നിയോഗവുമായി കെ.സി. റോസക്കുട്ടി ടീച്ചര്‍; ജനുവരി ഏഴിന് സംസ്ഥാന വനിത വികസന കോര്‍പറേഷന്‍ ചെയര്‍പേഴ്സനായി സ്ഥാനം ഏറ്റെടുക്കും
സ്വന്തം ലേഖിക
കല്‍പറ്റ: മുന്നണി മാറി എത്തിയ കെ.സി. റോസക്കുട്ടി ടീച്ചര്‍ ഇനി പുതിയ നിയോഗത്തിലേക്ക്.
ജനുവരി ഏഴിന് സംസ്ഥാന വനിത വികസന കോര്‍പറേഷന്‍ ചെയര്‍പേഴ്സനായി അവര്‍ സ്ഥാനം ഏറ്റെടുക്കും.
Whatsapp Group 1 | Whatsapp Group 2 |Telegram Group
പുതിയ നിയോഗത്തില്‍ സന്തോഷമുണ്ടെന്നും സ്ഥാനമേറ്റെടുത്തശേഷം ഒട്ടേറെ സ്ത്രീകള്‍ക്ക് സഹായകരമായ രീതിയില്‍ പ്രവര്‍ത്തിക്കാന്‍ കഴിയുമെന്നാണ് പ്രതീക്ഷയെന്നും റോസക്കുട്ടി പറഞ്ഞു.
കഴിഞ്ഞ നിയമസഭ തെരഞ്ഞെടുപ്പുകാലത്താണ് സ്ഥാനാര്‍ഥി നിര്‍ണയത്തെ ചൊല്ലി പാര്‍ട്ടിയുമായി ഇടഞ്ഞ് ഇടതുപാളയത്തിലേക്ക് ചേക്കേറിയത്.
കെ.എസ്. സലീഖ സ്ഥാനമൊഴിഞ്ഞതോടെയാണ് സംസ്ഥാന വനിത വികസന കോര്‍പറേഷന്‍ ചെയര്‍പേഴ്സനായി എല്‍.ഡി.എഫ് സര്‍ക്കാര്‍ കെ.സി. റോസക്കുട്ടിയെ നിയമിക്കുന്നത്.
നേരത്തേ, കെ.പി.സി.സി ജനറല്‍ സെക്രട്ടറിയായിരുന്ന ടീച്ചര്‍ യു.ഡി.എഫ് ഭരണകാലത്ത് വനിത കമീഷന്‍ അധ്യക്ഷയായി സേവനമനുഷ്ഠിച്ചിട്ടുണ്ട്.
സുല്‍ത്താന്‍ ബത്തേരി മുന്‍ എം.എല്‍.എയായിരുന്നു.
