വരൂ ജോലി നേടാം, ; കെ-ഡിസ്ക് സംഘടിപ്പിക്കുന്ന തൊഴിൽമേള ഏറ്റുമാനൂര് മംഗളം എന്ജിനിയറിംഗ് കോളജില്; 1500 തൊഴിലവസരം
സ്വന്തം ലേഖകൻ
കോട്ടയം: സംസ്ഥാന സര്ക്കാരിന്റെ കേരള നോളജ് ഇക്കണോമി മിഷന്റെ ഭാഗമായി കേരള ഡെവലപ്മെന്റ് ആന്ഡ് ഇന്നൊവേഷന് സ്ട്രാറ്റജിക് കൗണ്സില്(കെ-ഡിസ്ക്) സംഘടിപ്പിക്കുന്ന തൊഴില് മേള ഏഴിന് രാവിലെ എട്ടു മുതല് ഏറ്റുമാനൂര് മംഗളം എന്ജിനിയറിംഗ് കോളജില് നടക്കും. അഞ്ചു വര്ഷത്തിനുള്ളില് 20 ലക്ഷം പേര്ക്ക് തൊഴില് ലഭ്യമാക്കുക ലക്ഷ്യമിട്ടാണു തൊഴില് മേളകള് സംഘടിപ്പിക്കുന്നത്.
ബാങ്കിംഗ്, നോണ് ബാങ്കിംഗ്, എഫ്എംസിജി ടെക്നിക്കല്, നോണ് ടെക്നിക്കല്, ഐടി, എന്ജിനിയറിംഗ്, ഓട്ടോ മൊബൈല്, എഡ്യുക്കേഷന്, ഫാര്മസ്യൂട്ടിക്കല്സ്, ബിപിഒ, മാനുഫാക്ചറിംഗ്, റീടെയില്, ഹോസ്പിറ്റല്, ഹോസ്പിറ്റാലിറ്റി, എച്ച്ആര് മാനേജ്മെന്റ്, ഇന്ഷ്വറന്സ്, ഹെല്ത്ത് സെയില്സ്, സര്വീസ്, എമര്ജന്സി മാനേജ്മെന്റ് സര്വീസ്, ഹെല്ത്ത് കെയര് തുടങ്ങി വിവിധ മേഖലകളിലെ 110 തൊഴില്ദായകര് പങ്കെടുക്കും.
വിവിധ മേഖലകളിലായി 1,500 തൊഴിലവസരങ്ങളുണ്ടാകും. കോവിഡ് പശ്ചാത്തലത്തില് മേള നടക്കുന്ന ദിവസം സ്പോട് രജിസ്ട്രേഷന് സൗകര്യമുണ്ടായിരിക്കില്ല.
Whatsapp Group 1 | Whatsapp Group 2 |Telegram Group
രാവിലെ ഒന്പതിന് മന്ത്രി വി.എന്. വാസവന് തൊഴില്മേള ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് നിര്മല ജിമ്മി അധ്യക്ഷത വഹിക്കും. തോമസ് ചാഴികാടന് എംപി വിശിഷ്ടാതിഥിയാകും.
ജില്ലാ കളക്ടര് ഡോ. പി.കെ. ജയശ്രീ, ഏറ്റുമാനൂര് നഗരസഭാധ്യക്ഷ ലൗലി ജോര്ജ്, ജില്ലാ പഞ്ചായത്ത് വൈസ് പ്രസിഡന്റ് ടി.എസ്. ശരത്ത്, ബ്ലോക്ക് പഞ്ചായത്ത് പ്രസിഡന്റ് ആര്യ രാജന്, നഗരസഭാംഗങ്ങളായ തങ്കച്ചന് കോനിക്കല്, ജീനാ ഷാജി, ജില്ലാ പ്ലാനിംഗ് ഓഫീസര് ലിറ്റി മാത്യു, ജില്ലാ എംപ്ലോയ്മെന്റ് ഓഫീസര് ജി. ജയശങ്കര് പ്രസാദ്, ജില്ലാ ഇന്ഫര്മേഷന് ഓഫീസര് എ. അരുണ് കുമാര്, ജില്ലാ ലേബര് ഓഫീസര് വി.ബി. ബിജു, കോളജ് പ്രിന്സിപ്പല് വിനോദ് പി. വിജയന്, ജില്ലാ വ്യവസായ കേന്ദ്രം ജനറല് മാനേജര് എം.വി. ലൗലി എന്നിവര് പങ്കെടുക്കും.
വെബ്സൈറ്റ്: https://knowledgemission.kerala.gov.in/
വിശദവിവരങ്ങൾക്ക് ഫോൺ: 9074989772, 9947872616, 0471 2700811.