മലയാളികളുടെ കുടി മുട്ടുമോ…? ജവാൻ നിർമ്മാണത്തിന് തടസമായി ജലക്ഷാമം; വെള്ളം നല്കാനാകില്ലെന്ന നിലപാടിൽ പഞ്ചായത്തുകള്; പ്രതിദിനം വേണ്ടത് രണ്ട് ലക്ഷം ലിറ്റര് വെള്ളം; പ്രതിസന്ധിയിലായി മലബാര് ഡിസ്റ്റിലറി
പാലക്കാട്: ജലക്ഷാമത്തെ തുടര്ന്ന് കേരളത്തിന്റെ സ്വന്തം ജവാന് നിര്മ്മിക്കാനാകാതെ പാലക്കാട് മേനോന്പാറയിലെ മലബാര് ഡിസ്റ്റിലറി.
സമീപത്തെ രണ്ട് പഞ്ചായത്തുകള് വെള്ളം നല്കാനാകില്ലെന്ന നിലപാടുമായി രംഗത്തെത്തിയതോടെയാണ് മലബാര് ഡിസ്റ്റിലറി പ്രതിസന്ധിയിലായത്. ചിറ്റൂര് പുഴയിലെ കുന്നങ്കാട്ടുപതി റഗുലേറ്ററിലെ മുങ്കില്മട ശുദ്ധ ജല പദ്ധതിയില് നിന്ന് പ്ലാന്റിലേക്ക് വെള്ളമെത്തിക്കാനായിരുന്നു ആദ്യ തീരുമാനം.
എന്നാല് രൂക്ഷമായ ജലക്ഷാമം നേരിടുന്ന വടകരപ്പതി, എലപ്പുള്ളി പഞ്ചായത്തുകളുടെ എതിര്പ്പിനെ തുടര്ന്നാണ് ഡിസ്റ്റിലറിയ്ക്ക് വെള്ളത്തിന്റെ പ്രതിസന്ധി നേരിടേണ്ടി വന്നത്. ദിവസവും രണ്ട് ലക്ഷം ലിറ്റര് വെള്ളമാണ് ജവാന് മദ്യം ഉത്പാദിപ്പിക്കാന് ആവശ്യമായി വരുന്നത്. നേരത്തെ വെള്ളം എത്തിക്കുന്നതിനായി 1.87 കോടി രൂപ ജലവിഭവ വകുപ്പിലേക്ക് അടയ്ക്കുകയും പൈപ്പുകളും മറ്റും വാങ്ങുകയും ചെയ്തു.
Whatsapp Group 1 | Whatsapp Group 2 |Telegram Group
വടകരപ്പതി- എലപ്പുള്ളി പഞ്ചായത്തുകളിലെ ജലക്ഷാമമാണ് ഡിസ്റ്റിലറിയുടെ പ്രവര്ത്തനങ്ങള്ക്ക് തടസമാകുന്നത്. ഇത്രയും അളവില് ജലം പൈപ്പിട്ട് ഡിസ്റ്റിലറിക്ക് നല്കിയാല് കടുത്ത ജലക്ഷാമം ഉണ്ടാകുമെന്നാണ് ആശങ്ക. ജലലഭ്യത ഉറപ്പാക്കി എത്രയും വേഗം പ്ലാന്റ് യാഥാര്ഥ്യമാക്കാനുളള നീക്കത്തിലാണ് സര്ക്കാര്.