ഹൃദയാഘാതത്തെ തുടർന്ന് ആറ്റിലേക്ക് വീണു ; കോട്ടയം കൊല്ലാട് പാറക്കൽ കടവിൽ മീൻ പിടിക്കാൻ എത്തിയ ഇത്തിത്താനം സ്വദേശി വെള്ളത്തിൽ വീണ് മരിച്ചു

സ്വന്തം ലേഖകൻ

കോട്ടയം : കൊല്ലാട് പാറക്കൽ കടവിൽ മീൻ പിടിക്കാൻ എത്തിയ ഇത്തിത്താനം സ്വദേശി വെള്ളത്തിൽ വീണു മരിച്ചു.

ചങ്ങനാശേരി ഇത്തിത്താനം എസ് പി സി നമ്പർ 78 ൽ ഗോപാലകൃഷ്ണനാണ് മരിച്ചത്. മൃതദ്ദേഹം നാട്ടുകാരും അഗ്നിരക്ഷാ സേനയും ചേർന്നാണ് കരയ്ക്ക് എത്തിച്ചത്.

ശനിയാഴ്ച വൈകിട്ട് നാല് മണിയോടെയാണ് മീൻ പിടിക്കാൻ എത്തിയ ഇദ്ദേഹം ഹൃദയാഘാതത്തെ തുടർന്ന് ആറ്റിലേക്ക് വീണത്.