പാലായിൽ ആളൊഴിഞ്ഞ പുരയിടത്തിൽ മാലിന്യങ്ങൾക്കിടയിൽ അസ്ഥികൂടം

സ്വന്തം ലേഖകൻ

പാലാ: മുരിക്കുംപുഴയിൽ മാലിന്യങ്ങൾക്കിടയിൽ നിന്നും അസ്ഥികൂടം കണ്ടെടുത്തു. മുരിക്കുംപുഴ യിലെ ആളൊഴിഞ്ഞ പുരയിടത്തിലാണ് അസ്ഥികൂടം കണ്ടെത്തിയത്. തലയോട്ടിയും കൈകാൽ ഭാഗങ്ങളുടെ അസ്ഥികളും കണ്ടെത്തിയിട്ടുണ്ട്.

റോഡിനോട് ചേർന്നുള്ള സ്ഥലത്താണ് ഇത് കണ്ടെത്തിയത്. മദ്യക്കുപ്പികളും മറ്റു മാലിന്യങ്ങളും ഇതോടൊപ്പം കണ്ടെത്തിയിട്ടുണ്ട്.

പ്ലാസ്റ്റിക് കൂടിൽ പൊതിഞ്ഞ് ഇവ കൊണ്ടുവന്നിട്ടതാണെന്നാണ് കരുതുന്നത്. പ്രദേശത്ത് മത്സ്യം
വില്ക്കാനെത്തിയവരാണ് അസ്ഥികൂടം ആദ്യം കണ്ടത്. മദ്യ കുപ്പികളും പ്ലാസ്റ്റിക് കുപ്പികളുമടക്കമുള്ള മാലിന്യങ്ങൾക്കിടയിലാണ് പ്ലാസ്റ്റിക്ക് കൂടുകൾക്കുള്ളിലാക്കിയ നിലയിൽ തലയോട്ടിയും കൈകാലുകളുടെ അസ്ഥിഭാഗവും കണ്ടെത്തിയത്.

പോലീസ്‌ സ്ഥലത്തെത്തി പരിശോധന നടത്തി. മെഡിക്കൽ വിദ്യാർത്ഥികൾ പഠനാവശ്യത്തിനായി ഉപയോഗിച്ചിരുന്ന അസ്ഥികൂടമാണിതെന്ന് പോലീസ്‌ അറിയിച്ചു.

അസ്ഥി കഷണങ്ങളിൽ മെഡിക്കൽ നെയിമുകളും രേഖപെടുത്തിയിട്ടുണ്ട്. പഠനാവശ്യങ്ങൾക്കായി അസ്ഥികൾ വാങ്ങുവാൻ കഴിയും. പ0നത്തിന് ശേഷം ആരെങ്കിലും ഉപേക്ഷിച്ചതാകമെന്ന് പൊലീസ് അറിയിച്ചു.

സംഭവത്തിൽ ദുരൂഹതയില്ലെന്നും എന്നാൽ പൊതു സ്ഥലത്ത് എങ്ങനെയെത്തിയെന്നുള്ളതും അന്വഷിക്കുമെന്നും എസ്‌ഐ അഭിലാഷ് പറഞ്ഞു.