ഗുണ്ടാ സംഘാംഗമായ യുവാവിനെ ആർപ്പൂക്കരയിലിട്ട് ആക്രമിച്ചു: ഗുണ്ടാ സംഘാംഗങ്ങളായ മൂന്ന് യുവാക്കൾ അറസ്റ്റിൽ

സ്വന്തം ലേഖകൻ

കോട്ടയം: ഗുണ്ടാ സംഘാംഗമായ യുവാവിനെ ആർപ്പൂക്കരയിൽ വച്ച് ആക്രമിച്ച കേസിൽ ഗുണ്ടാ സംഘാംഗങ്ങളായ മൂന്നു പേർ അറസ്റ്റിൽ.
ആർപ്പൂക്കര കുരിശിങ്കൽ എബി ജോർജ് (34) , കുമ്മനത്തിൽ ബിബിൻ വർഗീസ് (34) , ഏറ്റുമാനൂർ തവളക്കുഴി ചുക്കനാലിൽ ജഗൻ ഫിലിപ്പ് ( 39) എന്നിവരെയാണ് ഗാന്ധിനഗർ സ്റ്റേഷൻ ഹൗസ് ഓഫിസർ കെ.സിജിയുടെ നേതൃത്വത്തിലുള്ള സംഘം അറസ്റ്റ് ചെയ്തത്.

കഴിഞ്ഞ ദിവസമായിരുന്നു കേസിനാസ്പദമായ സംഭവം. അലോട്ടിയുടെ ഗുണ്ടാ സംഘാംഗമാണെന്നാണ് ആരോപിച്ച് ആർപ്പൂക്കര സ്വദേശിയായ ജീമോനെ ജഗൻ്റെ നേതൃത്വത്തിലുള്ള സംഘം കഴിഞ്ഞ ദിവസം രാത്രിയിൽ ആക്രമിച്ചിരുന്നു.

ആർപ്പൂക്കരയിൽ വച്ചാണ് ഗുണ്ടാ സംഘം ജീമോനെ ആക്രമിച്ചത്. ആക്രമണത്തിന് ശേഷം പ്രതികൾ ഒളിവിൽ പോകുകയായിരുന്നു.തുടർന്ന് , ഡിവൈ.എസ്.പി ജെ.സന്തോഷ് കുമാറിൻ്റെ നേതൃത്വത്തിലുള്ള സംഘം നടത്തിയ അന്വേഷണത്തിലാണ് പ്രതികളെ കണ്ടെത്തിയത്. ഇവരുടെ രഹസ്യ കേന്ദ്രത്തിൽ നിന്നും പ്രതികളെ പ്രിൻസിപ്പൽ എസ് ഐ പ്രശോഭ് , എ.എസ്.ഐ മനോജ് പി.വി, എസ്.ഐ സജി എം.പി , സുരേഷ് , സെബിൻ എന്നിവരുടെ നേതൃത്വത്തിലുള്ള സംഘമാണ് പിടികൂടിയത്. പ്രതികളെ കോടതിയിൽ ഹാജരാക്കും.