സമൂഹ മാധ്യമത്തിലൂടെ പത്താം ക്ലാസ് വിദ്യാര്‍ത്ഥിനിയുടെ നഗ്‌നദൃശ്യങ്ങള്‍ കൈക്കലാക്കി; വിദ്യാര്‍ത്ഥിക്കെതിരെ കേസ്

സ്വന്തം ലേഖിക

കട്ടപ്പന: സമൂഹ മാധ്യമത്തിലൂടെ പത്താം ക്ലാസ് വിദ്യാര്‍ത്ഥിനിയുടെ നഗ്‌നദൃശ്യങ്ങള്‍ കൈക്കലാക്കിയ വിദ്യാര്‍ത്ഥിക്കെതിരെ ഉപ്പുതറ പൊലീസ് കേസെടുത്തു.

പെണ്‍കുട്ടിയുടെ വീട്ടുകാര്‍ നല്‍കിയ പരാതിയിലാണ് കേസെടുത്തത്. സംഭവത്തെ തുടര്‍ന്ന് പ്രതിയായ ആണ്‍കുട്ടി ഒളിവിലാണ്.
ഒളിവില്‍ പോയ പ്രതിക്കും പ്രായപൂര്‍ത്തിയായിട്ടില്ലെന്നാണ് പൊലീസ് നിഗമനം.

അമ്മയുടെ മൊബൈല്‍ ഫോണ്‍ ഉപയോഗിച്ചാണ് പെണ്‍കുട്ടി ഓണ്‍ലൈന്‍ പഠനം നടത്തിയിരുന്നത്.

ഈ ഫോണ്‍ വഴി പെണ്‍കുട്ടി സഹപാഠിയുടെ സുഹൃത്തുമായി സമൂഹ മാധ്യമങ്ങളിലൂടെ അടുക്കുകയും പിന്നീട് അയാള്‍ പെണ്‍കുട്ടിയുടെ നഗ്‌നദൃശ്യങ്ങള്‍ കൈക്കലാക്കുകയുമായിരുന്നു.

വീട്ടുകാര്‍ നടത്തിയ പരിശോധനയിലാണ് ദൃശ്യങ്ങള്‍ കണ്ടെത്തിയത്. തുടർന്നാണ് പൊലീസില്‍ പരാതി നല്‍കിയത്.

ഇയാള്‍ ദൃശ്യങ്ങള്‍ ദുരുപയോഗം ചെയ്തിട്ടുണ്ടോയെന്നും അന്വേഷിക്കുന്നുണ്ട്.