കോട്ടയം ഗിരിദീപം ട്രോഫി ബാസ്ക്കറ്റ്ബോൾ, വോളിബോൾ, ജൂനിയർ ബാസ്കറ്റ്ബോൾ ടൂർണമെന്‍റുകൾ ഒക്ടോബർ 25 മുതൽ 28 വരെ ഗിരിദീപം ഫ്ലഡ്‌ലിറ്റ് ഇൻഡോർ സ്റ്റേഡിയത്തിൽ നടക്കും.
കോട്ടയം: 31-ാമത് ഓൾ ഇന്ത്യാ ഗിരിദീപം ട്രോഫി ബാസ്ക്കറ്റ്ബോൾ, 16-ാമത് ഗിരിദീപം ട്രോഫി വോളിബോൾ, 15-ാമത് ഗിരിദീപം ജൂനിയർ ബാസ്കറ്റ്ബോൾ ടൂർണമെന്‍റുകൾ 2024 ഒക്ടോബർ 25 മുതൽ 28 വരെ ഗിരിദീപം ഫ്ലഡ്‌ലിറ്റ് ഇൻഡോർ സ്റ്റേഡിയത്തിൽ നടക്കും.
31-ാമത് ഓൾ ഇന്ത്യാ ഗിരിദീപം ട്രോഫി ടൂർണമെന്‍റുകൾ 2024 ഒക്ടോബർ 25 (വെള്ളി) ആരംഭിച്ച് ഒക്ടോബർ 28 (തിങ്കൾ) സമാപിക്കും. 25ന് രാവിലെ 9 ന് ബഥനി സന്യാസ സമൂഹങ്ങളുടെ സൂപ്പീരിയർ ജനറൽ റവ. ഡോ. ഗീവർഗീസ് കുറ്റിയിൽ ഒ.ഐ.സി.യുടെ അദ്ധ്യക്ഷതയിൽ ചേരുന്ന സമ്മേളനത്തിൽ കോട്ടയം എം.എൽ.എ. തിരുവഞ്ചൂർ രാധാകൃഷ്ണൻ ടൂർണമെന്‍റ് ഉദ്ഘാടനം ചെയ്യും.
ഗിരിദീപം സ്ഥാപനങ്ങളുടെ ഡയറക്ടർ റവ. ഫാ. മാത്യു ഏബ്രഹാം മോടിയിൽ ഒ.ഐ.സി. പതാക ഉയർത്തും. അന്താരാഷ്ട്ര വോളിബോൾ താരം ഷോൺ ടി. ജോൺ മുഖ്യപ്രഭാഷണവും നിർവചിക്കും.ദേശീയ ബാസ്ക്കറ്റ്ബോൾ താരവും ഗിരിദീപം പൂർവ വിദ്യാർത്ഥിനിയുമായ സൂസൻ ഫ്ലോറന്‍റീന പ്രസ്‌തുത സമ്മേനത്തിന് ആശംസ അറിയിക്കും.
Whatsapp Group 1 | Whatsapp Group 2 |Telegram Group
ഉദ്ഘാടന സമ്മേളനത്തിന് മുന്നോടിയായി കായിക താരങ്ങൾ പങ്കെടുക്കുന്ന പ്രൗഢഗംഭീരമായ മാർച്ച്പാസ്റ്റും ഉദ്ഘാടനത്തിന് ശേഷം ഗിരിദീപം സ്‌കൂളുകളിലെ കുട്ടികളുടെ കലാവിരുന്ന് ഉണ്ടായിരിക്കും.
ഒക്ടോബർ 25, 26 തീയതികളിൽ ബാസ്കറ്റ്ബോൾ ലീഗ് മത്സരങ്ങളും 27-ാം തീയതി രാവിലെ ക്വാർട്ടർ ഫൈനൽ മത്സരങ്ങളും വൈകിട്ട് സെമി ഫൈനൽ മത്സരങ്ങളും 28-ാം തീയതി രാവിലെ ഫൈനൽ മത്സരങ്ങളും നടക്കും.
25, 26 തീയതികളിൽ വോളിബോൾ ആദ്യ റൗണ്ട് മത്സരങ്ങളും 27-ാം തീയതി രാവിലെയും വൈകിട്ടുമായി സെമിഫൈനൽ മത്സരവും 28-ാം തീയതി രാവിലെ ഫൈനൽ മത്സരവും നടക്കുന്നതാണ്.
വിവിധ ദിവസങ്ങളിലായി നടക്കുന്ന മത്സരങ്ങളുടെ അതിഥികളായി സഹകരണ, രജിസ്ട്രേഷൻ, ദേവസ്വം മന്ത്രി
. വി.എൻ. വാസവൻ , രാഷ്ട്രീയ സാമൂഹിക, കലാ, സാംസ്‌കാരിക വിദ്യാഭ്യാസ, സ്പോർട്സ്, മേഖലകളിലെ പ്രമുഖ വ്യക്തികൾ എത്തുന്നതാണ്.
ഒക്ടോബർ 28 (തിങ്കൾ) രാവിലെ 11 മണിക്ക് നടക്കുന്ന സമാപന സമ്മേളനത്തിൽ പുതുപ്പള്ളി എം.എൽ.എ. ചാണ്ടി ഉമ്മൻ മുഖ്യാതിഥിയായിരിക്കും. ബഥനി നവജ്യോതി പ്രോവിൻസിന്‍റെ പ്രോവിൻഷ്യൽ സുപ്പീരിയർ റവ. ഡോ. ജോർജ് ജോസഫ് അയ്യനേത്ത് ഒ.ഐ.സി. അദ്ധ്യക്ഷത വഹിക്കുന്ന ചടങ്ങിൽ സംസ്ഥാന ബാസ്കറ്റ്ബോൾ അസോസിയേഷൻ ലൈഫ് പ്രസിഡന്‍റ് പി.ജെ. സണ്ണി, ജില്ലാ സ്പോർട്സ് കൗൺസിൽ പ്രഡിഡന്‍റ് ഡോ. ബൈജു വി. ഗുരുക്കൾ, ജില്ലാ ബാസ്കറ്റ്ബോൾ അസോസിയേഷൻ പ്രസിഡന്‍റ് ഷാജി ജേക്കബ് പടിപ്പുരയ്ക്കൽ, ജില്ലാ സ്പോർട്സ് കൗൺസിൽ സെക്രട്ടറി. എൽ. മായാദേവി എന്നിവർ പങ്കെടുക്കുന്നതാണ്.
നാല് ദിവസങ്ങളിലായി ഗിരിദീപം ക്യാമ്പസിലെ വിവിധ കോർട്ടുകളിൽ 47-ൽ പരം ബാസ്കറ്റ്ബോൾ മത്സരങ്ങൾ വിവിധ വിഭാഗങ്ങളിൽ (ജനറൽ സ്‌കൂൾ, ആൺ/പെൺ, ജൂനിയർ ആൺകുട്ടികൾ) നടക്കുന്നതാണ്. സംസ്ഥാനത്തുനിന്നും പുറത്തുനിന്നുമുള്ള 32 ടീമുകൾ ബാസ്കറ്റ്ബോൾ വിഭാഗത്തിലും കേരളത്തിലെ പ്രഗത്ഭരായ 8 സ്‌കൂൾ വോളിബോൾ ടീമുകൾ പങ്കെടുക്കുന്ന 17-ാമത് വോളിബോൾ ടൂർണമെന്‍റിനും ഗിരിദീപം ക്യാമ്പസ് സജമായിരിക്കുന്നു.
കേരളത്തിലെ ആദ്യ റബറൈസ്‌ഡ് ഫ്ലെഡ്‌ലിറ്റ് വോളിബോൾ സ്റ്റേഡിയവും ബാസ്കറ്റ്ബോളിന് 2 ഔട്ട് ഡോർ കോർട്ടും ഫ്ലെഡ്‌ലിറ്റ് ഇൻഡോർ സ്റ്റേഡിയവുമാണ് സജ്ജമാക്കിയിരിക്കുന്നത്.
ബാസ്കറ്റ്ബോൾ ആൺകുട്ടികളുടെ വിഭാഗത്തിൽ ആതിഥേയരായ ഗിരിദീപം ടീമിനെ കൂടാതെ കമല സുബ്രഹ്മണ്യം തഞ്ചാവൂർ, സിൽവർ ഹിൽസ് കോഴിക്കോട്, സെന്‍റ് ജോസഫ്‌സ് തിരുവനന്തപുരം, കാർമ്മൽ സി.എം.ഐ വാഴക്കുളം, ലിറ്റിൽ ഫ്ലവർ കൊരട്ടി, ഡോൺബോസ്കോ ഇരിങ്ങാലക്കുട, സെന്‍റ് സ്റ്റീഫൻസ് കൊല്ലം, ജ്യോതിനികേതൻ ആലപ്പുഴ, സെന്‍റ് ആൻസ് കുര്യനാട്, ലൂർദ്ദ് പബ്ലിക് സ്‌കൂൾ കോട്ടയം, എക്സ‌ൽസിയർ ഇംഗ്ലീഷ് സ്‌കൂൾ കോട്ടയം, എസ്.എച്ച്. പബ്ലിക് സ്‌കൂൾ കിളിമല മുതലായ ടീമുകൾ സീനിയർ വിഭാഗത്തിൽ മത്സരിക്കുന്നതാണ്.
പെൺകുട്ടികളുടെ വിഭാഗത്തിൽ പ്രോവിഡൻസ് കോഴിക്കോട്, ലിറ്റിൽ ഫ്ലവർ കൊരട്ടി, ഓക്‌സ്‌ഫോർഡ് കൊല്ലം. സെന്‍റ് ഗൊരേത്തി തിരുവനന്തപുരം, ജ്യോതിനികേതൻ ആലപ്പുഴ, സെന്‍റ് തെരേസാസ് എറണാകുളം, സിൽവർ ഹിൽസ് കോഴിക്കോട്, മൗണ്ട് കാർമ്മൽ കോട്ടയം മുതലായ ടീമുകൾ മത്സരിക്കുന്നതാണ്.
ജൂനിയർ ബാസ്കറ്റ്ബോൾ ആൺകുട്ടികളുടെ വിഭാഗത്തിൽ ആതിഥേയരായ ഗിരിദീപം ടീമിനെ കൂടാതെ സെന്‍റ് ജോസഫ്‌സ് തിരുവനന്തപുരം, ലിറ്റിൽ ഫ്ലവർ കൊരട്ടി, സെന്‍റ് ജോസഫ്‌സ് ചെറിയനാട്, ബഥനി അക്കാഡമി വെണ്ണികുളം, കെ.ഇ. കാർമ്മൽ പുളിങ്കുന്ന്, കെ.ഇ. സ്‌കൂൾ മാന്നാനം, മൗണ്ട് കാർമ്മൽ വിദ്യാനികേതൻ കോട്ടയം എന്നിവരും മത്സരിക്കുന്നതാണ്.
വോളിബോൾ ആൺകുട്ടികളുടെ വിഭാഗത്തിൽ ഗിരിദീപം ടീമിനെ കൂടാതെ ജി.വി. രാജ തിരുവനന്തപുരം, ജി.എച്ച്.എസ്. ഊറമന, എൻ.എച്ച്.എസ്.എസ്. വാകയാട്, എം.റ്റി.എം. എച്ച്.എസ്.എസ്. പാമ്പാക്കുട, സെന്‍റ് പീറ്റേഴ്‌സ് എച്ച്.എസ്.എസ്. കോഴഞ്ചേരി, എച്ച്.എം.വൈ.എസ്. എച്ച്.എസ്.എസ്. കൊട്ടുവള്ളിക്കാട് എന്നീ പ്രഗത്ഭരായ സ്‌കൂൾ ടീമുകൾ മത്സരത്തിൽ മാറ്റുരയ്ക്കുന്നതാണ്.
ടൂർണമെന്‍റുകളുടെ നടത്തിപ്പിനായി ചെയർമാൻ റവ. ഫാ. മാത്യു ഏബ്രഹാം മോടിയിൽ ഒ.ഐ.സി. (ഡയറക്ട്‌ടർ – ഗിരിദീപം ഇൻസ്റ്റിറ്റ്യൂഷൻസ്), ജനറൽ കൺവീനർ റവ. ഫാ. സത്യൻ തോമസ് ഒ.ഐ.സി. (പ്രിൻസിപ്പൽ-ഗിരിദീപം ബഥനി സെൻട്രൽ സ്‌കൂൾ), ഓർഗനൈസിംഗ് സെക്രട്ടറി റവ. ഫാ. സൈജു കുര്യൻ ഒ.ഐ.സി. (പ്രിൻസിപ്പൽ – ഗിരിദീപം ബഥനി ഹയർ സെക്കൻഡറി സ്‌കൂൾ), കൺവീനർമാരായ റവ. ഫാ. റോബിൻ ഈട്ടിത്തടത്തിൽ ഒ.ഐ.സി. (ഡയറക്ടർ ഗിരിദീപം
കോളജ്), റവ. ഫാ. ഡേവിഡ് ചരുവിളയിൽ ഒ.ഐ.സി. (അസി. ബർസാർ ഗിരിദീപം) ശ്രീമതി ബിനു സുരേഷ് (വൈസ് പ്രിൻസിപ്പൽ – ഗിരിദീപം ബഥനി എച്ച്.എസ്.എസ്.) ശ്രീമതി ഇന്ദു തോമസ് (വൈസ് പ്രിൻസിപ്പൽ – ഗിരിദീപം ബഥനി സെൻട്രൽ സ്‌കൂൾ) ശ്രീമതി അഞ്ജന കെ.എൻ (സൂപ്പർവൈസർ – ഗിരിദീപം ബഥനി എച്ച്.എസ്.എസ്.) ശ്രീ.ബിനു കെ.ആർ (പ്രസിഡന്‍റ് പി.ടി.എ.), ചീഫ് കോർഡിനേറ്റർ ശ്രീ. ബിജു ടി. തേമാൻ, (ബാസ്ക്കറ്റ്ബോൾ പരിശീലകൻ) കോർഡിനേറ്റർ ശ്രീ. ലാലുമോൻ .ജെ, (വോളിബോൾ പരിശീലകൻ) എന്നിവരുടെ നേതൃത്വത്തിൽ വിപുലമായ ഓർഗനൈസിംഗ് കമ്മറ്റി പ്രവർത്തിച്ചുവരുന്നു.
പത്രസമ്മേളനത്തിൽ ചെയർമാൻ റവ. ഫാ. മാത്യു ഏബ്രഹാം മോടിയിൽ ഒ.ഐ.സി, ചീഫ് കോർഡിനേറ്റർ ബിജു ടി. തേമാൻ, കോർഡിനേറ്റർ ലാലുമോൻ .ജെ, എന്നിവർ പരിപാടികൾ വിശദീകരിച്ചു
