
വീട്ടിലെ ഗ്യാസ് നാല് മാസമായാലും തീരില്ല: സൂത്രമുണ്ട്; കുറ്റി കാലിയാകാറായോയെന്ന് ഒരുകഷ്ണം തുണി കൊണ്ട് പരിശോധിക്കാം
കോട്ടയം: ഇന്നത്തെ കാലത്ത് ജീവിതത്തില് ഒഴിച്ചുകൂടാനാവാത്ത ഒന്നാണ് പാചകവാതകം. തിരക്കുപിടിച്ച ജീവിതത്തില് മിക്കവർക്കും വിറകടുപ്പില് ആഹാരം പാകം ചെയ്യാൻ സമയം ലഭിക്കാറില്ല.
അതിനാല് തന്നെ ഗ്യാസ് അടുപ്പിനെയാണ് അധികം പേരും ആശ്രയിക്കുന്നത്. കത്തിക്കയറുന്ന പാചകവാതക വില കുടുംബ ബഡ്ജറ്റിനെ താളം തെറ്റിക്കാറുണ്ട്. അടുക്കളയില് കൂടുതല് വിഭവങ്ങളും ഗ്യാസ് അടുപ്പില് പാകം ചെയ്യുന്നതും പാചകവാതകം വളരെപ്പെട്ടെന്ന് തീരുന്നതിന് കാരണമാവും.
എന്നാല് ചില തുറുങ്ങ് വിദ്യകള് ഉപയോഗിച്ച് പാചക വാതകം ലാഭിക്കാനായാലോ? ഇക്കാര്യങ്ങള് ഒന്ന് പരീക്ഷിച്ചുനോക്കാം.
ആദ്യം തന്നെ ബർണർ കത്തിക്കുമ്പോള് ചുവന്ന നിറത്തിലെ തീ ആണോ വരുന്നതെന്ന് നോക്കാം.
Whatsapp Group 1 | Whatsapp Group 2 |Telegram Group

ചുവന്ന നിറത്തിലെ ഫ്ളെയിം വരുമ്പോഴാണ് ബർണർ ഗ്യാസ് അധികമായി ഉപയോഗിക്കുന്നത്. ബർണറില് അഴുക്കും പൊടിയും മറ്റും ഉള്ളപ്പോഴാണ് നിറവ്യത്യാസം ഉണ്ടാവുന്നത്. ബർണർ വൃത്തിയാക്കുന്നതിനായി ഒരു മിശ്രിതം വീട്ടില്തന്നെ തയ്യാറാക്കാം.
ഇതിനായി പാത്രം കഴുകുന്ന ലിക്വിഡ്, കുറച്ച് വിനാഗിരി, സോഡാപ്പൊടി എന്നിവ നന്നായി മിക്സ് ചെയ്ത് ബർണർ അതിലിട്ട് ഒരുമണിക്കൂർ നേരം മാറ്റിവയ്ക്കാം. ശേഷം ഒരു പഴയ ബ്രഷ് കൊണ്ട് ഉരച്ച് കഴുകിയെടുക്കാം.
ബർണറിലെ ദ്വാരങ്ങള്ക്കിടയില് പിന്നുകൊണ്ടോ പപ്പടംകുത്തികൊണ്ടോ ഈർക്കില് കൊണ്ടോ കുത്തി പൊടിയും അഴുക്കും കളയാം.
ഗ്യാസില് ആഹാരം പാചകം ചെയ്യുമ്പോള് പാത്രം മൂടിവച്ച് വേവിക്കുന്നത് പെട്ടെന്ന് ആഹാരം വെന്തുകിട്ടാൻ സഹായിക്കും.
കുക്കറില് സാമ്പാറിനായി വേവിക്കുമ്പോള് ഒരു പാത്രത്തില് പരിപ്പ് ഇട്ട് കുക്കറിനുള്ളില് വച്ചുതന്നെ വേവിച്ചെടുത്താല് അധികം ഗ്യാസ് ചെലവാകുന്നത് ലാഭിക്കാം.
ഫ്രിഡ്ജില് വച്ചിരിക്കുന്ന ആഹാരം സാധനങ്ങള് നേരത്തെ തന്നെ പുറത്തെടുത്ത് വച്ചിട്ട് ചൂടാക്കുകയാണെങ്കില് പെട്ടെന്ന് ചൂടായിക്കിട്ടും.
മീൻ കറിയും മറ്റും മണ്ചട്ടിയില് ഉണ്ടാക്കുമ്പോള് ചട്ടി തുടച്ചതിനുശേഷം അടുപ്പില് വയ്ക്കുകയാണെങ്കില് പെട്ടെന്ന് ചൂടായിക്കിട്ടും.
ഒരു നനഞ്ഞ തുണി ഗ്യാസ് കുറ്റിയില് തുടയ്ക്കുകയാണെങ്കില് ഗ്യാസ് കാലിയായ കുറ്റിയുടെ ഭാഗം പെട്ടെന്ന് ഉണങ്ങുകയും ഗ്യാസ് ഉള്ള ഭാഗം നനഞ്ഞ് ഇരിക്കുകയും ചെയ്യും. ഇത്തരത്തില് കുറ്റിയില് എത്രത്തോളം ഗ്യാസ് ബാക്കിയുണ്ടെന്ന് മനസിലാക്കാം