നാല് കിലോ കഞ്ചാവുമായി രണ്ട് പേർ പിടിയിൽ; ഇരുവരും മുൻപ് സമാന കേസിലെ പ്രതികൾ
സ്വന്തം ലേഖിക
കൊല്ലങ്കോട്: വില്പനക്ക് കൊണ്ടുവന്ന നാല് കിലോ കഞ്ചാവുമായി രണ്ട് പേരെ കൊല്ലങ്കോട് പോലീസ് അറസ്റ്റു ചെയ്തു.
മലപ്പുറം, കൊളത്തൂർ സ്വദേശി അബ്ദുൾ കരീം (48) പാലക്കാട് പുതുനഗരം സ്വദേശി ഷംസുദ്ദീൻ (46) എന്നിവരാണ് പിടിയിലായത്.
Whatsapp Group 1 | Whatsapp Group 2 |Telegram Group
ഇന്നലെ രാത്രി കൊല്ലങ്കോട് ബസ് സ്റ്റാൻഡ് റോഡിൽ പാലക്കാട് ഡാൻസാഫ് സ്ക്വാഡും കൊല്ലങ്കോട് പോലീസും സംയുക്തമായി നടത്തിയ പരിശോധനയിലാണ് ബൈക്കിലെത്തിയ പ്രതികൾ വലയിലായത്.
പിടിച്ചെടുത്ത കഞ്ചാവിന് ചില്ലറ വിപണിയിൽ മൂന്നു ലക്ഷം രൂപയോളം വില വരും. കൊല്ലങ്കോട് , നെമ്മാറ കേന്ദ്രീകരിച്ച് ചില്ലറ കച്ചവടം നടത്തുന്നവർക്ക് കൈമാറാൻ കൊണ്ടുവന്ന കഞ്ചാവാണ് പിടികൂടിയത്.
ഇരു പ്രതികളും മുൻപ് സമാന രീതിയിൽ കേസ്സിൽ പിടിക്കപ്പെട്ടവരാണ്. അബ്ദുൾ കരീമിന് പാലക്കാട് സൗത്ത്, നോർത്ത് , കൊഴിഞ്ഞാമ്പാറ, മലപ്പുറം എന്നിവിടങ്ങളിലെ പോലീസ് സ്റ്റേഷനുകളിൽ കേസ്സുണ്ട്. ഷംസുദ്ദീന് പുതുനഗരം പോലിസ് സ്റ്റേഷനിൽ കഞ്ചാവു കേസ്സുണ്ട്.
പാലക്കാട് ജില്ലാ പോലീസ് മേധാവി അർ വിശ്വനാഥിൻ്റെ നിർദ്ദേശത്തെത്തുടർന്ന് പാലക്കാട് നർക്കോട്ടിക് സെൽ ഡിവൈഎസ്പി സി ഡി ശ്രീനിവാസിൻ്റെ മേൽനോട്ടത്തിൽ കൊല്ലങ്കോട് സബ് ഇൻസ്പെക്ടർ കെ ഷാഹുൽ, ജിഎസ്ഐ എസ് ഉണ്ണി മുഹമ്മദ്, എസ്സിപിഒ മോഹൻ ദാസ് സിപിഒമാരായ ജിജോ, ലൈജു , ഡാൻസാഫ് സ്ക്വാഡ് അംഗങ്ങളായ ടി ആർ സുനിൽ കുമാർ, കെ അഹമ്മദ് കബീർ, ആർ രാജീദ്, എസ് സമീർ എന്നിവരടങ്ങിയ സംഘമാണ് കഞ്ചാവ് കടത്ത് പിടികൂടിയത്.
പ്രതികളെ ഇന്ന് കോടതിയിൽ
ഹാജരാക്കും. സംസ്ഥാന വ്യാപകമായി ലഹരി മാഫിയക്കെതിരെ നടന്നു വരുന്ന “മിഷൻ ഡാഡ് ” ഓപ്പറേഷൻ്റെ ഭാഗമായാണ് പരിശോധന നടന്നു വരുന്നത്.
