ബഹുനില കെട്ടിടത്തിന് തീപിടിച്ച് മൂന്ന് പേർക്ക് ദാരുണാന്ത്യം ; പത്താം നിലയിലെ ഫ്ലാറ്റില് ഉറങ്ങുകയായിരുന്നവരാണ് മരിച്ചത്
മുംബൈ : ബഹുനില കെട്ടിടത്തിന് തീപിടിച്ച് മൂന്ന് പേർ മരിച്ചു. അന്ധേരി വെസ്റ്റിലെ ലോകാന്ദ്വല കോംപ്ലക്സിലാണ് അപകടം ഉണ്ടായത്.
ഇന്ന് രാവിലെ 8 മണിയോടെയായിരുന്നു സംഭവം.ലോകാന്ദ്വല കോംപ്ലക്സിലെ റിയ പാലസ് ബില്ഡിങ്ങിലെ പത്താം നിലയിലുള്ള ഫ്ലാറ്റില് നിന്നാണ് തീ പടർന്നതെന്നാണ് മുംബൈ ഫയർ ഡിപ്പാർട്ടമെന്റ് ഉദ്യോഗസ്ഥർ അറിയിച്ചത്.
തീപിടുത്തത്തില് പരിക്ക് പറ്റിയ മൂന്ന് പേരെ ഉടൻ തന്നെ ആശുപത്രിയില് എത്തിച്ചിരുന്നെങ്കിലും ഇവരുടെ ജീവൻ രക്ഷിക്കാൻ കഴിഞ്ഞില്ല. ചന്ദ്രപ്രകാശ് സോണി (74), കാന്ത സോണി (74), പേലുബെട്ട (42) എന്നിവരാണ് മരിച്ചത്.തീപിടിത്തത്തിലേക്ക് നയിച്ച കാരണം ഇതുവരെ കണ്ടെത്താൻ കഴിഞ്ഞിട്ടില്ല. അതേസമയം സംഭവത്തില് വിശദമായ അന്വേഷണം പൊലീസ് നടത്തുന്നുണ്ട്.
Whatsapp Group 1 | Whatsapp Group 2 |Telegram Group
ഈ മാസം ആദ്യവും സമാനമായ ഒരു അപകടം മുംബൈയില് ഉണ്ടായിരുന്നു. ചെമ്ബൂരില് ഉണ്ടായ തീപിടിത്തത്തില് ഏഴ് വയസ്സുകാരി ഉള്പ്പടെ ഒരു കുടുംബത്തിലെ ഏഴ് പേർക്കാണ് ജീവൻ നഷ്ടമായത്.