കറന്‍റ് പോയതിനെ തുടർന്ന് വീട്ടമ്മ മെഴുകുതിരി കത്തിച്ച്‌ വെച്ച്‌ ഉറങ്ങി, ടേബിളിന് തീപടര്‍ന്ന് വൻ തീപിടിത്തം; രക്ഷപ്പെട്ടത് അത്ഭുതകരമായി
തൃശൂർ: മെഴുകുതിരിയില്‍ നിന്നും തീപടർന്ന് വൻ തീപിടിത്തം. തീപർന്ന് പിടിച്ച്‌ വീടിൻ്റെ ഒരു ഭാഗം കത്തി നശിച്ചു.തൃശ്ശൂർ മതിലകത്താണ് സംഭവം. ഉറങ്ങിക്കിടന്ന വീട്ടമ്മ അല്‍ഭുതകരമായി രക്ഷപ്പെടുകയായിരുന്നു. മതിലകം സി.കെ. വളവിനടുത്ത് വാടകവീട്ടിൽ കഴിഞ്ഞ ദിവസം രാത്രി പത്തരയോടെയായിരുന്നു സംഭവം.
വലിയകത്ത് റംലയാണ് അപകടത്തില്‍ നിന്നും അത്ഭുതകരമായി രക്ഷപ്പെട്ടത്. കറന്‍റ് പോയതിനെ തുടർന്ന് ടേബിളില്‍ മെഴുകുതിരി കത്തിച്ച്‌ വെച്ച ശേഷം ഇവർ ഉറങ്ങുകയായിരുന്നു. മെഴുകുതിരി തീർന്നതോടെ ടേബിളിന് തീപിടിച്ചു. ഇതോടെ തീ പടർന്ന് ഹാളിനകത്തെ ഫ്രിഡ്ജും സീലിങ്ങും മറ്റ് വസ്തുക്കളും പൂർണമായും കത്തിയമർന്നു.
Third Eye News Live
0
