ബീഹാറിലെ പരീക്ഷ ഫലത്തിൽ ഉദ്യോഗാർത്ഥിയുടെ ചിത്രത്തിന് പകരം അനുപമ പരമേശ്വരൻ്റെ ചിത്രം: സംഭവം വിവാദമായി

തേർഡ് ഐ ബ്യൂറോ

ന്യൂഡൽഹി: ബിഹാറിലെ സെക്കൻഡറി അധ്യാപക പരീക്ഷ ഫലത്തിൽ മലയാള ചലച്ചിത്ര താരം അനുപമ പരമേശ്വ​​ര​ൻ്റെ ചിത്രം.

രണ്ടുദിവസം മുമ്പ്​ ബിഹാർ വിദ്യാഭ്യാസ വകുപ്പ്​ പ്രസിദ്ധീകരിച്ച സെക്കൻഡറി ടീച്ചർ എലിജിബിലിറ്റി ടെസ്​റ്റിൽ ഒരു ഉദ്യോഗാർഥിയുടെ പരീക്ഷഫലത്തിനൊപ്പമാണ്​ അനുപമയുടെ ചിത്രം.

ഋഷികേശ്​ കുമാർ എന്ന ഉദ്യോഗാർഥിയുടെ പരീക്ഷ മാർക്ക്​ ലിസ്​റ്റിൽ അനുപമയുടെ ചിത്രം തെറ്റായി അച്ചടിക്കുകയായിരുന്നു.

എസ്​.ടി.ഇ.ടിയുടെ ഉർദു, സംസ്​കൃത്​, സോഷ്യൽ സയൻസ്​ എന്നിവയുടെ പരീക്ഷഫലം സാങ്കേതിക തകരാറുകൾ മൂലം തടഞ്ഞുവെച്ചിരിക്കുകയായിരുന്നു. തുടർന്ന്​ ജൂൺ 21നാണ്​ ഇത്​ പ്രസിദ്ധീകരിക്കുന്നത്​.

നേരത്തേ ​തന്നെ ഋഷികേശ്​ കുമാർ അഡ്​മിറ്റ്​ കാർഡിലെ ഫോ​ട്ടോ മാറിയതുമായി ബന്ധപ്പെട്ട്​ പരാതി നൽകിയിരുന്നു.ഇതോടെ പരീക്ഷയിൽ ക്രമക്കേട് ഉണ്ടെന്ന ആരോപണവും ഉയർന്നിട്ടുണ്ട്.