ചേര്‍ത്തലയില്‍ ഡിവൈഎഫ്‌ഐ പ്രവര്‍ത്തകന് കുത്തേറ്റു; നില ഗുരുതരം; മുന്‍വൈരാഗ്യമാണ് ആക്രമണത്തിന് പിന്നിലെന്ന് നിഗമനം; പ്രദേശത്ത് സംഘര്‍ഷാവസ്ഥ

സ്വന്തം ലേഖിക

ആലപ്പുഴ: ചേര്‍ത്തല നെടുമ്പത്ത് ഡിവൈഎഫ്‌ഐ പ്രവര്‍ത്തകന് കുത്തേറ്റു.

ഡിവൈഎഫ്‌ഐ യൂണിറ്റ് സെക്രട്ടറി അരുണിനാണ് കുത്തേറ്റത്. വയറിനു കുത്തേറ്റ അരുണിനെ ചേര്‍ത്തല താലൂക്ക് ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. വെള്ളിയാഴ്ച രാത്രി 8.30നാണ് സംഭവം.

രണ്ടുപേർക്കാണ് കുത്തേറ്റതെന്നാണ് വിവരം. പ്രതികളെ തിരിച്ചറിഞ്ഞിട്ടില്ല. അരുണിന്റെ ആരോഗ്യനില ഗുരുതരമാണെന്നാണ് വിവരം.

മുന്‍വൈരാഗ്യമാണ് ആക്രമണത്തിനു കാരണമെന്ന് സംശയിക്കുന്നു. സംഘര്‍ഷാവസ്ഥയെ തുടര്‍ന്ന് പ്രദേശത്ത് പൊലീസ് ക്യാമ്പ് ചെയ്യുകയാണ്. അക്രമിയുടേതെന്ന് സംശയിക്കുന്ന വീടിന് നേരെ ആക്രമണമുണ്ടായി.