ഡോ നിർമ്മൽ ഭാസ്‌ക്കർ കെജിഎംസിടിഎ സംസ്ഥാന പ്രസിഡന്റായി തെരഞ്ഞെടുക്കപ്പെട്ടു

സ്വന്തം ലേഖകൻ

കോട്ടയം: സർക്കാർ മെഡിക്കൽ കോളേജ് ഡോക്ടർമാരുടെ സംഘടനയായ കെജിഎംസിടിഎയുടെ സംസ്ഥാന പ്രസിഡന്റ്‌ സ്ഥാനത്തേക്ക് നടന്ന തെരഞ്ഞെടുപ്പിൽ ഡോ നിർമ്മൽ ഭാസ്‌ക്കർ വൻ ഭൂരിപക്ഷത്തിൽ വിജയിച്ചു.

എതിർ സ്ഥാനാർഥിയുടെ വോട്ടിനേക്കാൾ ഇരട്ടിയിലേറെ വോട്ട് നേടിയാണ് ഇദ്ദേഹം ജയിച്ചത്‌.

സംസ്ഥാനത്തെ പത്തു ഗവൺമെന്റ് മെഡിക്കൽ കോളേജുകളിലായി നടന്ന വോട്ടെടുപ്പിൽ ഡോ. നിർമലിന് 531 വോട്ടുകൾ ലഭിച്ചു.

എതിർ സ്ഥാനാർത്ഥി ഡോ. എ അൽത്താഫിന് 250 വോട്ടുകൾ ലഭിച്ചു.

കഴിഞ്ഞ അഞ്ചു വർഷക്കാലം ഇദ്ദേഹം കെജിഎംസിടിഎ സംസ്ഥാന സെക്രട്ടറിയായിരുന്നു.

നിലവിൽ കോഴിക്കോട് മെഡിക്കൽ കോളേജിലെ പീഡിയാട്രിക് സർജറി വിഭാഗത്തിൽ അഡിഷണൽ പ്രൊഫസറായി ജോലി ചെയ്യുന്നു.