പാമ്പാടിയിൽ നിർമാണം നടക്കുന്ന വീടിന്‍റെ മുകളില്‍നിന്നു കാല്‍ വഴുതി വീണ് യുവാവിന് ദാരുണാന്ത്യം

പാമ്പാടി: കോത്തല മണ്ണാത്തിപ്പാറയ്ക്ക് സമീപം നിർമാണം നടക്കുന്ന വീടിന്‍റെ മുകളില്‍നിന്നു വീണ് യുവാവിന് ദാരുണാന്ത്യം.

മണ്ണത്തിപ്പാറയ്ക്കല്‍ വിനോദ് മാത്യു (49) ആണ് മരിച്ചത്. കഴിഞ്ഞ ദിവസം ഉച്ചകഴിഞ്ഞു 2.30നാണ് അപകടമുണ്ടായത്.

14-ാം മൈലില്‍ ഉള്ള വീടിന്‍റെ നിർമാണ പ്രവർത്തനം നടക്കുന്നതിനിടയില്‍ കാല്‍ വഴുതി വിനോദ് താഴെ വീഴുകയായിരുന്നു.

തുടർന്ന് പാമ്പാടി താലൂക്ക് ആശുപത്രിയിലും പിന്നീട് മെഡിക്കല്‍ കോളജിലും എത്തിച്ച ശേഷം കാരിത്താസ് ആശുപത്രിയില്‍ ചികിത്സയില്‍ ഇരിക്കവേയാണ് അന്ത്യം.

ഭാര്യ: ജിസ്മി ജോസഫ്. മക്കള്‍: അൻവി, അൻസാ.