കോട്ടയം കീഴ്ക്കുന്ന് എലിപ്പുലിക്കാട്ട് പാലത്തിനു സമീപം കുളിക്കാനിറങ്ങിയതിനെ തുടർന്ന് കാണാതായ യുവാവിന്റെ മൃതദേഹം കണ്ടെത്തി ; എമർജൻസി റെസ്ക്യൂ ടീം മണിക്കൂറുകൾ നീണ്ട തിരച്ചിലിന് ഒടുവിലാണ് മൃതദേഹം കണ്ടെത്തിയത്
സ്വന്തം ലേഖകൻ
കോട്ടയം: കോട്ടയം കീഴ്ക്കുന്ന് എലിപ്പുലിക്കാട്ട് പാലത്തിനു സമീപം കുളിക്കാനിറങ്ങിയതിനെ തുടർന്ന് കാണാതായ യുവാവിന്റെ മൃതദേഹം കണ്ടെത്തി. മൂന്ന് യുവാക്കളില്‍ ഒരാളെയാണ് ഒഴുക്കില്‍പ്പെട്ട് കാണാതായത്. വിമലഗിരി പള്ളിക്ക് സമീപം എലിപുലിക്കാട്ട് കടവിലാണ് സംഭവമുണ്ടായത്.
മണിക്കൂറുകൾ നീണ്ട തിരച്ചിലിന് ഒടുവിലാണ് മൃതദേഹം കണ്ടെത്തിയത്. എമർജൻസി റെസ്ക്യൂ ടീം എത്തിയതിന് ശേഷമാണ് മൃതദേഹം കണ്ടെത്തിയത്.
Whatsapp Group 1 | Whatsapp Group 2 |Telegram Group
കൂട്ടുകാരന്റെ കല്യാണം കൂടാൻ വന്ന കാഞ്ഞിരപ്പള്ളി പാറത്തോട് സ്വദേശി ജോയേല്‍ വില്യംസ് എന്ന 21കാരനെയാണ് കാണാതായത്.
ഇന്ന് രാവിലെ എട്ടുമണിയോടെയായിരുന്നു സംഭവം. രണ്ടു യുവാക്കള്‍ക്കൊപ്പം പുഴയില്‍ കുളിക്കാനിറങ്ങിയപ്പോഴാണ് അപകടത്തില്‍പ്പെട്ടത്. കുളി കഴിഞ്ഞ് കയറിയ ശേഷം ജോയേല്‍ വില്യംസ് വീണ്ടും വെള്ളത്തില്‍ ഇറങ്ങുകയായിരുന്നു എന്നാണ് റിപ്പോര്‍ട്ടുകള്‍.
ഈ സമയത്ത് യുവാവ് ഒഴുക്കില്‍പ്പെടുകയായിരുന്നു. മണിക്കൂറുകളായി അഗ്നിരക്ഷാ സേനയുടെയും നാട്ടുകാരുടെയും നേതൃത്വത്തിൽ തിരച്ചില്‍ നടത്തിയെങ്കിലും എമർജൻസി ടീം എത്തിയാണ് മൃതദേഹം കണ്ടെടുത്തത്. ബാംഗളൂരുവിലെ ഫിസിയോതെറാപ്പി വിദ്യാർത്ഥിയാണ് ജോയേല്‍ വില്യംസ്.
