മാരക രാസലഹരിയായ എൽഎസ്ഡി ഷുഗർ ക്യൂബുമായി ദന്തഡോക്ടർ അറസ്റ്റിൽ; ശാസ്തമംഗലം ഡി സ്മൈൽ ആശുപത്രിയിലെ ഡോക്ടറുടെ ഫ്ലാറ്റിൽനിന്ന് 18 ഗ്രാം എൽ എസ് ഡി, 2 ഗ്രാം എം ഡി എം എ, 33 ഗ്രാം കഞ്ചാവ് എന്നിവ പിടിച്ചെടുത്തു

കൊച്ചി: കൊച്ചിയിൽ ദന്തഡോക്ടർ അറസ്റ്റിലായത് മാരക രാസലഹരിയായ എൽഎസ്ഡി ഷുഗർ ക്യൂബുമായി.

തിരുവനന്തപുരം ശാസ്തമംഗലം ഡി സ്മൈൽ ആശുപത്രിയിലെ രഞ്ജു ആന്‍റണിയെയാണ് ത്രിപ്പൂണിത്തുറ ഹിൽപ്പാലസ് പൊലീസ് പിടികൂടിയത്.

ആലപ്പുഴ പാതിരപ്പിള്ളി സ്വദേശിയാണ് പ്രതി. ഇയാളിൽ നിന്ന് 18 ഗ്രാം എൽ എസ് ഡി, 2 ഗ്രാം എം ഡി എം എ, 33 ഗ്രാം കഞ്ചാവ് എന്നിവ പിടികൂടിയെന്ന് പൊലീസ് വ്യക്തമാക്കി.

മരട് പേട്ടയിലെ ഫ്ലാറ്റിൽ ഡാൻസാഫ് സംഘം നടത്തിയ പരിശോധനയിലാണ് ഡോക്ടർ പിടിയിലായത്.