കൊവിഡ് ബാധിച്ച് ഒരു മാസത്തോളം ചികിത്സയിലായിരുന്ന പരിപ്പ് സ്വദേശിയും കെ.എസ്.ഇ.ബി ഉദ്യോഗസ്ഥനുമായ ഷിബു മരിച്ചു; മരിച്ചത് കൊവിഡ് നെഗറ്റീവായ ശേഷം; മരണ കാരണം കൊവിഡാണോ എന്നറിയാൻ പരിശോധന

തേർഡ് ഐ ബ്യൂറോ

കോട്ടയം: കൊവിഡ് ബാധിച്ച് ഒരു മാസത്തോളം ചികിത്സയിലായിരുന്ന കെ.എസ്.ഇ.ബി ഉദ്യോഗസ്ഥൻ മരിച്ചു. കെ.എസ്.ഇ.ബി ഉദ്യോഗസ്ഥൻ പരിപ്പ് പോട്ടയിൽ ഷിബു (കുട്ടപ്പി- 49) ആണ് മരിച്ചത്.

കൊവിഡ് ബാധിച്ച് ഒരു മാസത്തോളമായി ഇദ്ദേഹം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു. തുടർന്നു ഒരാഴ്ച മുൻപ് ഇദ്ദേഹം കൊവിഡ് നെഗറ്റീവായിരുന്നു. ഇതിനു ശേഷമാണ് ഇദ്ദേഹത്തിനു ന്യുമോണിയ പിടിപെട്ടത്. ന്യുമോണിയ ബാധിച്ചതോടെ ഇദ്ദേഹം ആശുപത്രിയിൽ ചികിത്സ തേടി.

എന്നാൽ, ഞായറാഴ്ച പുലർച്ചെയോടെ ഇദ്ദേഹത്തിന്റെ മരണം സംഭവിക്കുകയായിരുന്നു. ഭാര്യ ഷിജു. മക്കൾ: സൂര്യനാരായണൻ, സോന ലക്ഷ്മി. എന്നാൽ, കൊവിഡ് നെഗറ്റീവ് ആയെങ്കിലും മരണ ശേഷം വീണ്ടും കൊവിഡ് പരിശോധന നടത്താൻ തീരുമാനിച്ചിട്ടുണ്ട്. ഈ പരിശോധനയ്ക്കു ശേഷം മൃതദേഹം ബന്ധുക്കൾക്കു വിട്ടു നൽകും. തുടർന്നു, സംസ്‌കാരം നടത്തും.