ദമ്പതികൾ സഞ്ചരിച്ചിരുന്ന ബൈക്കിനു തീപിടിച്ചു ; വൻ ദുരന്തം ഒഴിവായി ; തീയ്ക്ക് കാരണം ടാങ്ക് നിറയെ ഇന്ധനം നിറച്ചതിനെത്തുടർന്ന് ഇന്ധനം കവിഞ്ഞൊഴുകിയത്

സ്വന്തം ലേഖകൻ

മൂന്നാർ : ദമ്പതികൾ സഞ്ചരിച്ചിരുന്ന ബൈക്കിനു തീപിടിച്ചു. ട്രാഫിക് പൊലീസും നാട്ടുകാരും ചേർന്നു തീയണച്ചതിനാൽ ദുരന്തമൊഴിവായി.

കൊല്ലം സ്വദേശി സനീബും ഭാര്യയും സഞ്ചരിച്ചിരുന്ന ബൈക്കിനാണു മൂന്നാർ ടൗണിൽ ഇന്നലെ ഉച്ചയ്ക്കു തീപിടിച്ചത്.

ടാങ്ക് നിറയെ ഇന്ധനം നിറച്ചതിനെത്തുടർന്ന് ഇന്ധനം കവിഞ്ഞൊഴുകിയതു കാരണമാണു തീപിടിത്തമുണ്ടായതെന്നാണു നിഗമനം. തീ പടരുന്നതു കണ്ട് ദമ്പതികൾ ബൈക്കിൽ നിന്നിറങ്ങി രക്ഷപ്പെട്ടു.