ചരിത്രപ്രസിദ്ധമായ ചെട്ടികുളങ്ങര കുംഭഭരണി; മാനം മുട്ടുന്ന കെട്ടുകാഴ്ചകൾ അണിനിരക്കുന്ന കാഴ്ചപ്പൂരം ഇന്ന്

സ്വന്തം ലേഖകൻ

ചെട്ടിക്കുളങ്ങര: ചരിത്രപ്രസിദ്ധമായ ചെട്ടികുളങ്ങര കുംഭഭരണി ആഘോഷം ഇന്ന്. മാനം മുട്ടുന്ന കെട്ടുകാഴ്ചകൾ അണിനിരക്കുന്ന കാഴ്ചപ്പൂരം ഇന്ന് നടക്കും. 6 കുതിര , 5 തേര് , ഭീമൻ,ഹനുമാൻ , പാഞ്ചാലി എന്നീ കെട്ടുകാഴ്ചകളാണു 13 കരകളിൽനിന്ന് എഴുന്നള്ളിക്കുന്നത് .

8 വീടുകളിൽ നിന്നുള്ള ഘോഷയാത്രകൾ ഇന്നു രാവിലെ ക്ഷേത്രത്തിലെത്തി കുത്തിയോട്ട സമർപ്പണം നടത്തും .

കെട്ടുകാഴ്ചകൾ വൈകിട്ടോടെ കരകളിൽ നിന്നു ക്ഷേത്രത്തിലേക്ക് ആനയിക്കും . സന്ധ്യയോടെ ക്ഷേത്രാങ്കണത്തിൽ എത്തിക്കുന്ന കെട്ടുകാഴ്ചകൾ കര ക്രമത്തിൽ ദേവീദർശനം നടത്തി ക്ഷേത്രത്തിന് കിഴക്കുള്ള കാഴ്ചക്കണ്ടത്തിൽ അണിനിരക്കും .