ചെങ്ങന്നൂരിൽ തീപിടുത്തം; തീയണയ്ക്കാൻ ശ്രമിക്കുന്നതിനിടെ തിരുവല്ലയിലെ അഗ്നിശമന സേന ഉദ്യോഗസ്ഥന് പരിക്കേറ്റു; നഗരസഭയിലെ ശുചീകരണത്തിന് ആവശ്യമായ സാധനസാമഗ്രികൾ സൂക്ഷിച്ചിരുന്ന ഗോഡൗണിലാണ് അ​​ഗ്നിബാധ

സ്വന്തം ലേഖകൻ

ചെങ്ങന്നൂർ: നഗരസഭയിലെ ശുചീകരണത്തിന് ആവശ്യമായ സാധനസാമഗ്രികൾ സൂക്ഷിച്ചിരുന്ന ഗോഡൗണിൽ തീപിടുത്തം.

തീയണയ്ക്കാൻ ശ്രമിക്കുന്നതിനിടെ അഗ്നിശമന സേന ഉദ്യോഗസ്ഥന് പരിക്കേറ്റു. തിരുവല്ല ഫയർ സ്റ്റേഷനിലെ പ്രദീപിന് കണ്ണിനാണ് പരിക്കേറ്റത്. ഇദ്ദേഹത്തെ ചെങ്ങന്നൂർ ജില്ലാ ആശുപത്രിയിൽ പ്രവേശിപ്പിച്ചു.

500 കിലോയോളം ബ്ലീച്ചിംഗ് പൗഡറാണ് ഗോഡൗണിൽ സൂക്ഷിച്ചിരുന്നത്. ജീവനക്കാരുടെയും സമീപത്തെ വ്യാപാരികളുടെയും സമയോജിതമായ ഇടപെടൽ വൻ ദുരന്തം ഒഴിവായി.

തിരുവല്ല,ചെങ്ങന്നൂർ എന്നിവിടങ്ങളിൽ നിന്നുള്ള അഗ്നിശമന സേന യൂണിറ്റുകൾ സ്ഥലത്തെത്തി.