ചെങ്ങന്നൂർ ആഞ്ഞിലിമൂട് ജംഗ്ഷനു സമീപം ലോറിയും കാറും കൂട്ടിയിടിച്ച് കാർയാത്രികരായ 5 പേർക്ക് പരിക്ക് : ഡ്രൈവറുടേത് സാരമായ പരിക്ക്: കാറിന്റെ അമിത വേഗതയാണ് അപകടത്തിന് കാരണമെന്ന് പറയുന്നു.

ചെങ്ങന്നൂർ: ലോറിയും കാറും കൂട്ടിയിടിച്ച് കാർയാത്രികരായ 5 പേർക്ക് പരിക്ക്.

എം.സി റോഡിൽ ചെങ്ങന്നൂർ ആഞ്ഞിലിമൂട് ജംഗ്ഷനു സമീപം ഇന്ന് രാവിലെ 6.26ന് ആയിരുന്നു അപകടം.

മൂവാറ്റുപുഴയിൽ നിന്നും തിരുവനന്തപുരത്തേക്ക് പോയ കാർ മറ്റൊരു വാഹനത്തിനെ

മറികടക്കുവാൻ ശ്രമിക്കുന്നതിനിടയിൽ തിരുനൽവേലിയിൽ നിന്നും കൊച്ചിയിലേക്ക് പോയ

ലോറിയിൽ ഇടിക്കുകയായിരുന്നു.

കാറിൽ 5 അംഗ കുടുംബമാണ് ഉണ്ടായിരുന്നത്.

കാർ ഡ്രൈവർക്ക് സാരമായ പരിക്കേറ്റു. മറ്റുള്ളവർക്ക് നിസാര പരിക്കുകളേറ്റു. കാറിന്റെ അമിത വേഗതയാണ് അപകടത്തിന് കാരണമെന്ന് പറയുന്നു.