സാമ്പർ കൊടുത്തില്ല., ഹോട്ടൽ ജീവനക്കാരെ അടിച്ച് കൊലപ്പെടുത്തിയ അച്ഛനും, മകനും അറസ്റ്റിൽ

ചെന്നൈ: സാമ്പർ നൽകത്താതിന്റെ പേരിൽ ഹോട്ടൽ ജീവനക്കാരെ അടിച്ചു അടിച്ചു കൊലപ്പെടുത്തിയ കേസിൽ അച്ഛനും മകനും അറസ്റ്റിൽ.

ചെന്നൈ പലവരത്തുള്ള ആടയാർ ആനന്ദ ഭവനിലെ സൂപ്പർവൈസറായ അരുണിനെ കൊലപ്പെടുത്തിയ സംഭവത്തില്‍ തമിഴ്നാട് സ്വദേശികളായ ശങ്കറും മകൻ അരുണ്‍ കുമാറുമാണ് പിടിയിലായത്.

ഇന്നലെ രാവിലെയായിരുന്നു സംഭവം. കടയില്‍ ഭക്ഷണം വാങ്ങിക്കാൻ എത്തിയ  ശങ്കറും മകൻ അരുണ്‍ കുമാറും ഭക്ഷണം പാർസല്‍ വാങ്ങാൻ ഓർഡർ ചെയ്തതിന് ശേഷം സാമ്ബാർ അധികം വേണമെന്ന് ശങ്കർ ആവശ്യപ്പെട്ടു. എന്നാല്‍ അധികം സാമ്ബാർ നല്‍കാനാകില്ലെന്ന് ഹോട്ടല്‍ ജീവനക്കാരൻ പറഞ്ഞതോടെ ഇവർ കടയിലെ സാധനങ്ങള്‍ തകർത്തു. തുടർന്ന് സെക്യൂരിറ്റി ജീവനക്കാരനെ ആക്രമിക്കുകയും ചെയ്തു.

ഇതിനിടെ ഇവരെ പിടിച്ചുമാറ്റാനെത്തിയ അരുണിനെയും ഇവർ ആക്രമിച്ചു. . ഇതോടെ അരുണ്‍ ബോധരഹിതനായി നിലത്ത് വീഴുകയായിരുന്നു. ഉടൻ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സംഭവമറിഞ്ഞ് സ്ഥലത്തെത്തി പൊലീസ് ശങ്കറിനെയും മകൻ അരുണ്‍ കുമാറിനെതിരെ അറസ്റ്റ് രേഖപ്പെടുത്തി.