7 അടി നീളം 30 ഇഞ്ച് വണ്ണം നൂറ് കിലോയോളം ഭാരം ; മരക്കുറ്റിയിൽ നിന്നും കൂറ്റൻ പെരുമ്പാമ്പിനെ പിടികൂടി

സ്വന്തം ലേഖകൻ

അമ്പലപ്പുഴ: ദേശീയപാത നിർമാണവുമായി ബന്ധപ്പെട്ട് മാന്തി മാറ്റിയ മരക്കുറ്റിയിൽ നിന്നും കൂറ്റൻ പെരുമ്പാമ്പിനെ പിടികൂടി. നീർക്കുന്നം തേവരുനട ക്ഷേത്രക്കുളത്തിന് സമീപത്ത് റോഡ് നിർമാണം നടക്കുന്ന ഭാഗത്ത് നിന്നായിരുന്നു പാമ്പിനെ കണ്ടത്.

ഇന്നലെ വൈകുന്നേരമായിരുന്നു സംഭവം. പ്രത്യേകതരം തുണി സഞ്ചിയിൽ പിടിച്ച പെരും പാമ്പിന് 7 അടി നീളും 30 ഇഞ്ച് വണ്ണം നൂറ് കിലോയുടെ താഴെ ഭാരവുമുണ്ട്.

പറവൂർ തൂക്കുകുളത്തെ ഫോറസ്റ്റ് ഡിപ്പാർട്ട്മെന്റിലെ സ്നേക്ക് റെസ്ക്യൂ വിഭാഗത്തിലെ അംഗങ്ങളായ അരുൺ, സി മോഹൻ, നവീൻ എന്നിവരുടെ നേതൃത്വത്തിലാണ് പിടികൂടിയത്.