മുണ്ടക്കയത്ത് മുപ്പത്തിരണ്ട്കാരി ആറുമാസം പ്രായമുള്ള കുഞ്ഞുമായി കിണറ്റിൽ ചാടി; ഓടിക്കൂടിയ നാട്ടുകാർ കുഞ്ഞിനെ രക്ഷപെടുത്തി; സംഭവമറിഞ്ഞ് പാഞ്ഞെത്തിയ പൊലീസ് യുവതിയേയും രക്ഷപെടുത്തി
സ്വന്തം ലേഖകൻ കോട്ടയം: മുണ്ടക്കയം വേങ്ങക്കുന്നിൽ ആൾതാമസമില്ലാത്ത വീട്ടിലെ കിണറ്റിൽ മുപ്പത്തിരണ്ട്കാരി ആറുമാസം പ്രായമുള്ള കുഞ്ഞുമായി ചാടി. ഓടിക്കൂടിയ നാട്ടുകാർ കുഞ്ഞിനെ രക്ഷപെടുത്തി. നാട്ടുകാർ വിവരമറിയിച്ചതിനെത്തുടർന്ന് പാഞ്ഞെത്തിയ മുണ്ടക്കയം പൊലീസ് യുവതിയേയും രക്ഷപെടുത്തി. യുവതിക്ക് പ്രസവത്തോടനുബന്ധിച്ച് മാനസിക ബുദ്ധിമുട്ടുകളുണ്ടായിരുന്നതായി നാട്ടുകാർ പറയുന്നു. ഇരുവരേയും മുണ്ടക്കയത്തെ ആശുപത്രിയിൽ പ്രവേശിപ്പിച്ചു. എസ് .ഐ. റ്റി ഡി മനോജ് കുമാറിന്റെ നേതൃത്വത്തിലുള്ള പൊലീസ് സംഘമാണ് യുവതിയെ രക്ഷപെടുത്തിയത്.
