അജ്ഞാത വാഹനം ഇടിച്ച് ബൈക്ക് പുഴയിലേക്ക് വീണു; രണ്ട് പേർക്ക് പരിക്ക്
സ്വന്തം ലേഖിക കണ്ണൂര്: അജ്ഞാത വാഹനമിടിച്ച് ബൈക്ക് യാത്രക്കാരായ യുവാക്കള്ക്ക് ഗുരുതരമായി പരിക്കേറ്റു. ചെറുപുഴ പുതിയ പാലത്തിന് സമീപം ശനിയാഴ്ച അര്ധരാത്രിയാണ് അജ്ഞാതവാഹനം ഇടിച്ച് ബൈക്ക് കാര്യങ്കോട് പുഴയിലേക്ക് വീണത്. ബൈക്കിലുണ്ടായിരുന്ന രണ്ട് യുവാക്കള്ക്ക് പരിക്കേറ്റു. സാരമായി പരിക്കേറ്റ നിധിനെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചു. ചെറുപുഴ പോലീസ് സ്ഥലത്തെത്തി അന്വേഷണം ആരംഭിച്ചു. ബൈക്കിനെ ഇടിച്ചിട്ട് നിര്ത്താതെ പോയ വാഹനത്തിനായി അന്വേഷണം നടത്തി വരികയാണെന്ന് പൊലിസ് അറിയിച്ചു.