കെ.എസ്.ആര്‍.ടി.സി എം പാനല്‍ ജീവനക്കാര്‍ സമരം അവസാനിപ്പിച്ചു

സ്വന്തംലേഖകൻ കെ.എസ്.ആര്‍.ടി.സി യില്‍ നിന്ന് പിരിച്ചുവിട്ട എം പാനല്‍ ജീവനക്കാര്‍ സെക്രട്ടറിയേറ്റിന് മുമ്പില്‍ നടത്തി വന്ന സമരം അവസാനിപ്പിച്ചു. ഗതാഗതമന്ത്രി എ. കെ ശശീന്ദ്രനുമായി നടത്തിയ ചര്‍ച്ചയിലാണ് സമരം അവസാനിപ്പിക്കാന്‍ ധാരണയായത്.അഞ്ചു വര്‍ഷമെങ്കിലും സര്‍വീസുള്ള കണ്ടക്ടര്‍മാരെ ജോലിയില്‍ എടുക്കാനാണ് തീരുമാനമായത്. ലീവ് വേക്കന്‍സിയില്‍ ജോലിയിലെടുക്കാമെന്ന് ഉറപ്പുലഭിച്ചതിനെ തുടര്‍ന്നാണ് സമരം അവസാനിപ്പിക്കുന്നതെന്ന് സമരസമിതി നേതാക്കള്‍ പറഞ്ഞു.

തിരുവനന്തപുരത്തേയ്ക്ക് കുമ്മനം വരുന്നു: ഗവർണ്ണർ സ്ഥാനം രാജി വച്ചു; തിരുവനന്തപുരത്ത് പൊരിഞ്ഞ പോരാട്ടം ഉറപ്പായി

സ്വന്തം ലേഖകൻ  ന്യൂഡൽഹി: തിരുവനന്തപുരം നിയോജക മണ്ഡലത്തിലെ സ്ഥാനാർത്ഥിയാകുന്നതിനായി മിസോറാം ഗവർണർ സ്ഥാനം കുമ്മനം രാജശേഖരൻ രാജി വച്ചു. തിരുവനന്തപുരം ലോക്‌സഭാ മണ്ഡലത്തിൽ ഇതോടെ ത്രികോണ മത്സരം ഉറപ്പായി. മണ്ഡലത്തിൽ ശശി തരൂരും, സി.ദിവാകരനും സ്ഥാനാർത്ഥിത്വം ഉറപ്പിച്ചതിനു പിന്നാലെയാണ് ആർഎസ്എസ് നേതൃത്വത്തിന്റെ ആശിർവാദത്തോടെ കുമ്മനം കൂടി എത്തുന്നത്. കുമ്മനം വെള്ളിയാഴ്ച ഗവർണർ പദവി രാജി വയ്ക്കുമെന്ന് ഇന്നലെ തന്നെ തേർഡ് ഐ ന്യൂസ് ലൈവ് റിപ്പോർട്ട് ചെയ്തിരുന്നു. കുമ്മനവുമായി അടുത്ത വൃത്തങ്ങൾ നൽകിയ സൂചന പ്രകാരമാണ് ഇന്നലെ തേർഡ് ഐ ന്യൂസ് ലൈവ് വാർത്ത […]

വീട്ടിൽ കൊണ്ടുവിടാമെന്ന് പറഞ്ഞ് വാഹനത്തിൽ കയറ്റി, പീഡിപ്പിച്ച കേസിൽ കുറ്റം സമ്മതിച്ച് ഇമാം

സ്വന്തംലേഖകൻ  പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ അറസ്റ്റിലായ തൊളിക്കോട് ജമാ അത്ത് മുൻ ഇമാം ഷെഫീക്ക് ഖാസ്മി കുറ്റം സമ്മതിച്ചതായി പൊലീസ്. വീട്ടിൽ കൊണ്ടുവിടാമെന്ന് പറഞ്ഞാണ് പെണ്‍കുട്ടിയെ ഇമാം വാഹനത്തിൽ കയറ്റിയതെന്ന് പൊലീസ് പറയുന്നു. തൊഴിലുറപ്പ് സ്ത്രീകൾ വാഹനത്തിൽ കുട്ടിയെ കണ്ടെന്നും വാക്കു തർക്കമുണ്ടായെന്നും ഇമാം മൊഴി നല്‍കിയിരുന്നു.ഇന്നലെ മധുരയിൽ നിന്നാണ് ഷെഫീക്ക് ഖാസ്മിയെയും സഹായി ഫാസിലിനെയും പിടികൂടിയത്. ഷെഫീക്ക് ഖാസ്മിയെ ഇന്ന് പെണ്‍കുട്ടിയെ തട്ടികൊണ്ടുപോയ സ്ഥലത്തെത്തിച്ച് തെളിവെടുത്തേക്കും. ചോദ്യം ചെയ്യലും തെളിവെടുപ്പും പൂർത്തിയാക്കിയാൽ ഇന്ന് വൈകീട്ട് കോടതിയിൽ ഹാജരാക്കും എന്നാണ് സൂചന. കോയമ്പത്തൂർ, ഊട്ടി, […]

മണ്ഡലത്തെ പാതിയിൽ ഉപേക്ഷിച്ച് സിറ്റിംഗ് എംഎൽഎമാർ വെല്ലുവിളിക്കുന്നത് ജനങ്ങളെ: ഉപതിരഞ്ഞെടുപ്പിന് ഒരു മണണ്ഡലത്തിൽ സർക്കാരിന് ചിലവ് രണ്ടു കോടി; രാഷ്ട്രീയ പാർട്ടികൾ വാരിയെറിയുക പത്തു കോടി വരെ; ജനത്തെ പാതിവഴിയിൽ ഉപേക്ഷിക്കുന്നവരോ എം.എൽഎമാർ

സ്വന്തം ലേഖകൻ തിരുവനന്തപുരം: മണ്ഡലത്തെ പാതിവഴിയിൽ ഉപേക്ഷിച്ച് മത്സരരംഗത്തിറങ്ങിയ സിറ്റിംഗ് എംഎൽഎമാർ വെല്ലുവിളിക്കുന്നത് അവരുടെ വോട്ടർമാരും സാധാരണക്കാരുമായ ജനങ്ങളെ. നിലവിൽ ആറ് സിറ്റിംഗ് എംഎൽഎമാർ തങ്ങളുടെ സ്ഥാനാർത്ഥിത്വം ഉറപ്പിച്ചു കഴിഞ്ഞു. അഞ്ചോളം എംഎൽഎമാരുടെ പേരുകൾ വിവിധ പാർലമെന്റ് മണ്ഡലങ്ങളിൽ ഉയർന്നു കേൾക്കുകയും ചെയ്യുന്നു. സിപിഐയുടെ പട്ടികയിൽ രണ്ട് എംഎൽഎമാരാണ് ഉള്ളത്. തിരുവനന്തപുരത്ത് സി.ദിവാകരനും, മാവേലിക്കരയിൽ ചിറ്റയം ഗോപകുമാറും. സിപിഎമ്മിന്റെ പട്ടികയിൽ കോഴിക്കോട് എ.പ്രദീപ്കുമാർ, പത്തനംതിട്ടയിൽ വീണാ ജോർജ്, ആലപ്പുഴയിൽ എ.എം ആരിഫ് എന്നിവരുടെ പേരുകൾ ഉറപ്പിച്ചിട്ടുണ്ട്. പൊന്നാനിയിൽ നിലമ്പൂർ എം.എൽഎ പി.വി അൻവറിന്റെ പേരാണ് […]

കുമ്മനം തിരുവനന്തപുരത്ത് ബിജെപി സ്ഥാനാർത്ഥി: വെള്ളിയാഴ്ച രാഷ്ട്രപതിയെ കാണും; മിസോറാം ഗവർണ്ണർ സ്ഥാനം രാജി വയ്ക്കും; ആവേശത്തിൽ ബിജെപി – ആർഎസ്എസ് പ്രവർത്തകർ; വിജയിച്ചാൽ കുമ്മനം കേന്ദ്രമന്ത്രി

സ്വന്തം ലേഖകൻ തിരുവനന്തപുരം: ശബരിമല വിഷയത്തിലുണ്ടായ മേധാവിത്വം ഊട്ടിയുറപ്പിക്കാൻ തലസ്ഥാനത്ത് ബിജെപി സ്ഥാനാർത്ഥിയായി കുമ്മനം രാജശേഖരൻ തന്നെയെത്തും. ആർഎസ്എസ് നേതൃത്വത്തിന്റെ നിർണ്ണായക ഇടപെടലിനെ തുടർന്ന് ബിജെപി ദേശീയ നേതൃത്വം കുമ്മനത്തെ സ്ഥാനാർത്ഥിയാക്കുന്നതിനു സമ്മതം മൂളി. ഈ സാഹചര്യത്തിൽ വെള്ളിയാഴ്ച തന്നെ കുമ്മനം രാജശേഖരൻ രാഷ്ട്രപതി രാംനാഥ് കോവിന്ദിനെ കണ്ട് ചർച്ച നടത്തും. തുടർന്ന് തിരുവനന്തപുരം മണ്ഡലത്തിലേയ്ക്കുള്ള സ്ഥാനാർത്ഥിയെ പ്രഖ്യാപിക്കുമെന്നാണ് ലഭിക്കുന്ന സൂചന. തിരുവനന്തപുരം മണ്ഡലത്തിൽ ബിജെപി സ്ഥാനാർത്ഥി പട്ടിക പ്രഖ്യാപിച്ചപ്പോൾ മുതൽ തന്നെ ആകാംഷയോടെ ഉയർന്ന് കേട്ടിരുന്ന പ്രധാനപ്പെട്ട പേരുകളിൽ ഒന്നായിരുന്നു കുമ്മനം രാജശേഖരന്റേത്. […]

കണ്ണിൽച്ചോരയില്ലാതെ ഡോക്ടർമാരുടെ ക്രൂരത മൂന്നു വയസുകാരിയോട്: കണ്ണിൽ സ്‌കൂഡ്രൈവർ തറച്ചെത്തിയ മൂന്നു വയസുകാരിയെയും, മാതാപിതാക്കളെയും ഡോകടർ ദമ്പതിമാർ വീട്ടുമുറ്റത്തു നിന്നും ആട്ടിയിറക്കി; ദുരനുഭവമുണ്ടായത് മാധ്യമപ്രവർത്തകനും ഭാര്യയ്ക്കും: സംഭവം കോട്ടയം നഗരമധ്യത്തിൽ ജില്ലാ പൊലീസ് മേധാവിയുടെ ആസ്ഥാനത്തിന് സമീപം

തേർഡ് ഐ ബ്യൂറോ കോട്ടയം:  കണ്ണില്ലാത്ത ഡോക്ടർ ദമ്പതിമാരുടെ ക്രൂരമായ മനസ് കുരുന്നിന്റെ മുന്നിൽ പോലും അലിഞ്ഞില്ല. കണ്ണിൽ തറച്ച സ്‌ക്രൂഡ്രൈവറുമായി എത്തിയ മൂന്നര വയസുകാരിയെയും മാതാപിതാക്കളെയും ഡോക്ടർ ദമ്പതിമാർ പരിശോധന പോലും നടത്താതെ ആട്ടിയിറക്കി. മെഡിക്കൽ കോളേജിലോ, ജനറൽ ആശുപത്രിയിലോ കൊണ്ടുപോകാൻ നിർദേശിച്ചായിരുന്നു ഡോകടർ ദമ്പതിമാർ കുട്ടിയെയും കുടുംബത്തെയും ആട്ടിയിറക്കിയത്. കോട്ടയത്തെ പ്രമുഖ മാധ്യമപ്രവർത്തകനും ഭാര്യയ്ക്കുമാണ് ഡോക്ടർ ദമ്പതിമാരുടെ അപമാനം നേരിടേണ്ടി വന്നത്. മാധ്യമപ്രവർത്തകന്റെ അഭ്യർത്ഥന മാനിച്ച് തേർഡ് ഐ ന്യൂസ് ഇവരുടെയും, ആരോപണ വിധേയരായ ഡോക്ടർ ദമ്പതിമാരുടെയും പേര് ഒഴിവാക്കുകയാണ്. കഴിഞ്ഞ […]

തിരുനക്കര മഹാദേവക്ഷേത്ര ഉത്സവ ചടങ്ങിൽ ദേവസ്വം ബോർഡ് പ്രസിഡന്റിനും അംഗങ്ങൾക്കും സ്വീകരണം; പൊതുസമ്മേളനത്തിൽ വിശിഷ്ടാതിഥി എം.പത്മകുമാറും, ശങ്കർദാസും അടക്കമുള്ളവർ: പ്രതിഷേധവുമായി ശബരിമല കർമ്മസമിതിയും ഹൈന്ദവ വിശ്വാസികളും

സ്വന്തം ലേഖകൻ കോട്ടയം: തിരുനക്കര മഹാദേവക്ഷേത്രത്തിലെ ഉത്സവത്തിന്റെ കൊടിയേറ്റ് ദിവസം ദേവസ്വം ബോർഡ് അംഗങ്ങൾക്ക് ക്ഷേത്രോപദേശക സമിതിയുടെ സ്വീകരണം. ദേവസ്വം ബോർഡ് പ്രസിഡന്റ് എം.പത്മകുമാറും, ദേവസ്വം ബോർഡ് അംഗം ശങ്കർദാസും അടക്കമുള്ളവരാണ് കൊടിയേറ്റ് ദിവസമായി മാർച്ച് 15 ന് നടക്കുന്ന പൊതുസമ്മേളനത്തിൽ മുഖ്യാതിത്ഥികളായി പങ്കെടുക്കുന്നത്. ശബരിമ പ്രശ്‌നത്തിൽ ഭക്തർക്ക് എതിരായ നിലപാട് സ്വീകരിച്ച ഇവർക്കെതിരെ ഹൈന്ദവ സഭകൾ തിരുനക്കര മഹാദേവക്ഷേത്രത്തിലും പ്രതിഷേധം ഉയർത്തുമെന്ന് സൂചനയുണ്ട്. ഏറ്റുമാനൂർ മഹാദേവക്ഷേത്രത്തിൽ പ്രതിഷേധമുണ്ടായേക്കുമെന്ന രഹസ്യാന്വേഷണ റിപ്പോർട്ടുകളെ തുടർന്ന് ദേവസ്വം ബോർഡ് പ്രസിഡന്റ് എം.പത്മുകുമാർ ക്ഷേത്രത്തിലെ കൊടിയേറ്റ് അടക്കമുള്ള ചടങ്ങുകളിൽ […]