കോട്ടയം കുമാരനല്ലൂരില്‍ അമ്മയോടൊപ്പം റെയിൽപാളം മുറിച്ചുകടക്കുന്നതിനിടെ അപകടം: ട്രെയിനിടിച്ച് മരിച്ച പാലാ സ്വദേശിനിയുടെ സംസ്കാരം ഇന്ന്

കോട്ടയം: കുമാരനല്ലൂര്‍ ക്ഷേത്രത്തില്‍ ദര്‍ശനം കഴിഞ്ഞു മടങ്ങിയ വീട്ടമ്മ ട്രെയിനിടിച്ചു മരിച്ചു.

പാലാ മുത്തോലി വെള്ളിയേപ്പള്ളി ചെമ്പകത്തിങ്കല്‍ സ്‌മിത അനില്‍ (42) ആണു മരണമടഞ്ഞത്‌.

കുമാരനല്ലൂരില്‍ അമ്മയോടൊപ്പം പാളം മുറിച്ചുകടക്കുന്നതിനിടെയാണ്‌ അപകടം.
മൃതദേഹം കോട്ടയം മെഡിക്കല്‍ കോളജ്‌ ആശുപത്രി മോര്‍ച്ചറിയില്‍.

നീണ്ടൂര്‍ പ്രാവട്ടം ചെറുമുട്ടത്തുകളപ്പുരയില്‍ കുടുംബാംഗമാണ്‌ സ്‌മിത. ഭര്‍ത്താവ്‌ അനില്‍ (ഗ്രാന്റ്‌ ഹോട്ടല്‍ ഗ്രൂപ്പ്‌ കമ്ബനി). മക്കള്‍: അമൃത (നഴ്‌സിങ്‌ വിദ്യാര്‍ഥി, മാണ്ഡ്യ), ആദിത്യന്‍ (എട്ടാം ക്ലാസ്‌ വിദ്യാര്‍ഥി, പാലാ സെന്റ്‌ തോമസ്‌ എച്ച്‌.എസ്‌.എസ്‌). സംസ്‌കാരം ഇന്നു രാവിലെ 11നു വീട്ടുവളപ്പില്‍.