ക്യാമ്പിലെത്തുന്നവർക്ക് മാത്രം സഹായം; ആശങ്കയിൽ അയർക്കുന്നം ആറുമാനൂർ നിവാസികൾ
സ്വന്തം ലേഖകൻ അയർക്കുന്നം:പ്രളയം കനത്ത ആഘാതങ്ങൾ തുടർച്ചയായി ഏൽപിക്കുന്ന പ്രദേശങ്ങളാണ് അയർക്കുന്നം പഞ്ചായത്തിലുള്ളത്. മീനച്ചിലാറിന്റെ തീരപ്രദേശമായ ആറുമാനൂർ നിവാസികളെ സംബന്ധിച്ച് തീരാദുരിതം സമ്മാനിച്ചാണ് ഓരോ മഴക്കാലവും മടങ്ങുന്നത്. അയർക്കുന്നം പഞ്ചായത്തിലാകെ പതിനെന്ന് ഔദ്യോഗിക ക്യാമ്പുകൾ ഇത്തവണയും സജീവമായിരുന്നു. ഇപ്പോൾ പൊതുജനങ്ങളും ജനപ്രതിനിധികളും നേരിടുന്ന ഏറ്റവും വലിയ പ്രശ്നം സർക്കാർ അനുവദിക്കാവുന്ന സഹായങ്ങൾക്ക് അർഹരായവരുടെ ലിസ്റ്റ് തയ്യാറാക്കുന്നതിലെ വ്യക്തത ഇല്ലായ്മയാണ്. ക്യാമ്പുകളിൽ കഴിയുന്നവർക്ക് മാത്രമായി ധനസഹായം ചുരുക്കും എന്ന ഉദ്യോഗസ്ഥരുടെ അറിയിപ്പ് വലിയ ആശയകുഴപ്പമാണ് വരുത്തിയിരിക്കുന്നത്. ക്യാമ്പിൽ വരാൻ സാധിക്കാത്ത നിരവധി കുടുംബങ്ങളുണ്ട് ഇവിടെ. രോഗികളായവരും […]