രാഹുലിനെതിരായ അധിക്ഷേപ പരാമര്ശം; പിവി അന്വറിനെതിരെ കേസ് ; രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി
സ്വന്തം ലേഖകൻ
പാലക്കാട്: രാഹുല് ഗാന്ധിക്ക് എതിരായ അധിക്ഷേപ പരാമര്ശത്തില് പിവി അന്വര് എംഎല്എയ്ക്ക് എതിരെ കേസ്. രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി.
മണ്ണാര്കാട് കോടതി നിര്ദേശപ്രകാരം പാലക്കാട് നാട്ടുകല് പൊലീസാണ് കേസെടുത്തത്. ഹൈക്കോടതി അഭിഭാഷകന് ബൈജു നോയല് നല്കിയ സ്വകാര്യ ഹര്ജിയിലാണ് കോടതി നാട്ടുകല് പൊലീസിന് നിര്ദേശം നല്കിയത്.
Whatsapp Group 1 | Whatsapp Group 2 |Telegram Group
പാലക്കാട് എടത്തനാട്ടുകരയില് നടന്ന എല്ഡിഎഫ് പ്രചാരണയോഗത്തിലായിരുന്നു അന്വറിന്റെ അധിക്ഷേപ പരാമര്ശം. പേരിനൊപ്പമുള്ള ഗാന്ധി എന്ന പേര് കൂട്ടി ഉച്ചരിക്കാന് പോലും യോഗ്യതയില്ലാത്ത ആളായി രാഹുല് മാറിയെന്നും അന്വര് പറഞ്ഞിരുന്നു.
മുഖ്യമന്ത്രി പിണറായി വിജയനെ കേന്ദ്ര സര്ക്കാര് ഇതുവരെ ജയിലില് ആക്കാത്തത് എന്തുകൊണ്ടാണെന്ന് ചോദിച്ച് രാഹുല് നടത്തിയ പ്രസംഗത്തിന് മറുപടിയായാണു അന്വര് അധിക്ഷേപ പ്രസംഗം നടത്തിയത്.