കോട്ടയം ശാസ്ത്രീ റോഡിൽ വാഹനാപകടം; നിർത്തിയിട്ടിരുന്ന കാറിൽ ഓടിയെത്തിയ കാർ ഇടിച്ചു 

കോട്ടയം: നഗര മധ്യത്തിൽ ശാസ്ത്രീ റോഡിൽ നിർത്തിയിട്ട കാറിൽ മറ്റൊരു കാറിടിച്ചുണ്ടായ അപകടത്തെ തുടർന്ന് ഗതാഗത കുരുക്ക്.

ഇന്നുച്ചയ്ക്ക് 12.50-നാണ് അപകടമുണ്ടായത്. നഗരത്തിൽ നിന്ന് കിഴക്കോട്ട് പോകുന്നതിനായി ശാസ്ത്രീ റോഡ് ഇറക്കം ഇറങ്ങി വന്ന കാർ യൂണിയൻ ബാങ്കിനു മുന്നിൽ റോഡരികിൽ നിർത്തിയിട്ടിരുന്ന കാറിൽ ഇടിക്കുകയായിരുന്നു.

അപകടത്തിൽ ആർക്കും പരിക്കില്ല. രണ്ടു കാറുകളും ഭാഗികമായി തകർന്നു.

ശാസ്ത്രീ റോഡ് യൂണിയൻ ബാങ്കിന് മുൻപിൽ അപകട മേഖലയാണ്. സ്ഥിരമായി ഇവിടെ വാഹനാപകടങ്ങൾ ഉണ്ടാകാറുള്ളതാണ്. വാഹനങ്ങളുടെ അമിത വേഗവും ഡ്രൈവർമാരുടെ ശ്രദ്ധക്കുറവുമാണ് മിക്ക അപകടങ്ങൾക്കും കാരണം.